Oblíbené biblické verše z Исаёс 53

Sdílet

Нэ Ёв страдынэлас пал амарэ́ грэ́хи, пал амаро́ чорипэ́н Лэс мэнчинэнас; ка́ра, сави́ яндя́ свэ́то пэ амэ́ндэ, сыс пэ Лэ́стэ, Лэ́скирэ франсостыр (дукхатыр) амэ яця́м састэ.

Сарэ́ амэ, сыр бакря́ псирасас, гиям кажно пэ́скирэ дромэ́са, и Рай Дэвэ́л чхудя́ пэ Лэ́стэ грэ́хи, савэ́ сарэ́ амэ кэрдя́м.

Нэ Ёв лыя́ пэ Пэ́стэ амаро́ бизорьякирибэн, Ёв лыджия́ амаро́ насвалыпэн, а амэ думиндям, со дава́ Дэвэ́л дукхадя Лэс, чхудя́ ка́ра пэ Лэ́стэ и чхудя́ пхарипэ́н пэ Лэ́стэ.

Ёв сыс, сыр нисо́ анги́л манушэ́ндэ, Лэ́скэ на дынэ́ паты́в мануша́; Мурш, Саво́ прилыя́ дукха́ амарэ́ и насвалыпэн; амэ отрисиям Лэ́стыр пэ́скирэ мо́са; амэ на камдям тэ дыкхас пэ Лэ́стэ, амэ на приласас Лэс.

Лэс марэнас, и притасавэнас, нэ Ёв выкэдыя́ тэ страдынэл, Ёв на откэрэлас Пэ́скирэ ушта́; сыр бакри Ёв гия́ пэ мэрибэ́н; сыр бакроро́ ничи́ на пхэнэ́ла, ко́ли злэнас лэ́скири вы́лна, адя́кэ Ёв Пэ́скирэ ушта́ на откэрэлас.

Нэ сыс Ра́скирэ-Дэвлэ́скири во́ля, соб (кай) Лэс тэ марэ́н кэ калэ́ маса́; Ёв отдыя́ Лэс пэ мэ́ньки; ко́ли ж Лэ́скиро ди янэ́ла свэ́нто дыибэ́н, соб (кай) тэ отмэкэнпэ грэ́хи, то Ёв удыкхэ́ла Пэ́скиро ро́до анги́л, и Ра́скирэ-Дэвлэ́скири во́ля явэ́ла тэ кэрэ́лпэ Лэ́скирэ вастэ́са.

Ёв выбария анги́л Лэ́стэ сыр чарори, сыр отбарипэн шукэ́ пхувья́тыр; Ёв на выдыкхэлас, сыр ману́ш патывалэ́ минаса, на сыс дрэ Лэ́стэ барипэ́н; амэ Лэс дыкхцям, и Лэ́стэ на сыс дасаво, со б притырдыя амэн кэ Ёв.

Палдава́ Мэ да́ва Лэ́скэ котэ́р (паш) машки́р барэндэ, и зоралэнца Ёв дорэсыбэ́н роскэрэла (розделинэла), пал-дова́ со Ёв отдыя́ Пэс пэ мэрибэ́н. Лэс гиндлэ́ пал прахаристэ, нэ Ёв лыджия́ пэ Пэ́стэ бутэ́-манушэ́нгиро грэ́хо и пал прахарьендэ адя́кэ мангэлас.

Бахтало́ явэ́ла Ёв одолэ́стыр тэ дыкхэ́л, со кэрдя́ Лэ́скиро ди; Пэ́скирэ ґалыибнастыр Ёв, чачипна́скиро, писха́ри Миро, зракхэ́ла бут манушэ́н и грэ́хи лэ́нгирэ лыджа́ла пэ Пэ́стэ.

Лэс лынэ́ сэндостыр и бэшыбнастыр, нэ пал ро́до Лэ́скиро, кон пхэнэ́ла? Ёв сыс отчурдыно джидэ́ манушэ́нгирэ пхувья́тыр; мыя́ пал грэ́хо, саво́ кэрдя́ Миро народо.

Лэс камлэ́ тэ гаравэн кхэтанэ́ прахарьенца, нэ Ёв сыс гарадо́ кэ барвало́ ману́ш, пал-дова́ со Ёв на кэрдя́ грэ́хо, и на сыс хохаибэ́н дрэ Лэ́скирэ ушта́.