Oblíbené biblické verše z Юдэ́нгэ 12

Sdílet

Пал-дова́ со трусця́л амэ́ндэ адя́кэ-паць исын ада́кицы бут якхи́тка/якхалэ́ (свидетели), явэ́н чхурдаса пэ́стыр любо ґа́мо пхарипнаса и грэ́хо, саво́ припхандэлапэ кэ амэ сыр фэлы́ (сетка) и ява́са со исын зор тэ вырикирас, ява́са тэ причхувас зор тэ джас пир амаро́ джиибнытко дром, саво́ исын анги́л амэ́ндэ; и ява́са тэ дыкхас пэ Исусо́стэ, Савэ́стыр исын амаро́ патяибэ́н, и Саво́ кэрэ́ла амэн бидошакирэнца, Саво́ заме́ст ра́дыма, сави́ явэ́лас ваш Лэ́скэ, и Саво́ вырикирибнаса пиридживдя трушулыбэн кэ мэрибэ́н, на дыкхи́ пэ ладж, и бэсця́ пир чачо́ (право) васт Дэвлэ́стыр.

Кажно сыклякирибэ́н дро акаканатуно часо исын ваш амэ́нгэ на дрэ ра́дыма, а дро пиридживибэн, нэ пало́ (после) дова́, кон высыклыя далэ́ сыклякирибна́стыр, дорэсэ́ла палэ рама́нё (миро) чачипна́скирэ джиибнастыр.

Причхувэ́н зор, соб (кай) тумэ́нгэ тэ явэ́н дро рама́нё (миро) сарэ́нца и дрэ свэнтыма, би савэскиро нико́н на дыкхэ́ла Рас-Дэвлэ́с.

Обдуминэн хор пал Исусо́стэ, Саво́ пирилыджия вэргитко бипатывакиро сабэн грэхитконэндыр, дава́ саро́ дэ́ла васт тумэ́нгэ тэ на хасякирэ́н зор дро ду́хо (фа́но) и тэ на здэн зорья́са.

Пал-дова́ со амэ приласа кралипэ́н, саво́ ние́кхвар на триинскирэлапэ, ява́са тэ ракхас бахталыпэ́н, савэ́са амэ могинаса тэ кэра́с буты́ ваш Дэвлэ́скэ дара́са анги́л Лэ́стэ и ворохо́са (барэ́ дара́са).

Явэ́н вырикирдэ, ке́ли Дэвэ́л сыклякирэ́ла тумэн, дава́ сыкавэ́ла, со Дэвэ́л дыкхэ́ла пэ тумэ́ндэ, сыр пэ Пэ́скирэ чхаворэндэ. Ци исын вари-кай адасаво́ чхаво́, савэ́с лэ́скиро дад на сыклякирэ́ла?

Пал-дова́ со амаро́ Дэвэ́л исын яг, сави́ саро́ хачкирэ́ла.

Амарэ́ дада́ сыклякирдэ́ амэн на́бут дывэса́, нэ Дэвэ́л сыклякирэ́ла ваш амаро́ миштыпэ́н, соб (кай) амэ́нгэ тэ явэ́л паш кхэтанэ́ Лэ́са дрэ Лэ́скири свэнтыма.

Тумэ́ ишчо (инкэ́) на мардэ́пэ кэ рат, ке́ли тумэ́ са́нас тэрдэ́ проти грэ́хо.