Oblíbené biblické verše z Эклес 7

Sdílet

На холясов сы́гэс дро тыро́ ило́, пал-дова́ со дылынинько ману́ш рикирэ́ла холы́ дро колы́н.

Ке́ли тырэ́ дывэса́ исын миштэ, ра́дынпэ зоралэ́с, нэ ке́ли дывэса́ исын фуй, тэды обдумин екх: Дэвэ́л чхудя́ екх пал явирэ́стэ, соб (кай) дро ко́нцо (яго́ро) ману́ш тэ на джинэ́л, со явэ́ла пал лэ́стэ.

Ко́нцо (яго́ро) исын фэды́р англыпна́стыр дро кажно рэ́ндо, а ману́ш, саво́ зрикирэла пэ́скиро ду́хо (фа́но) исын фэды́р кодолэстыр, кон исын пхутькирдо дро ду́хо (фа́но).

Адя́кэ-паць и на прилэ́ илэ́са сарэ́ лава́, со мануша́ пхэнэ́на, соб (кай) ту тэ на шунэ́с тырэ́ дынари́с тэ кошэл тут.

И годыпэ́н, адя́кэ-паць и ловэ́ затэрдёна пал манушэ́стэ, нэ джиныбэ́н исын фэды́р дро дова́, со годыпэ́н дэ́ла джиибэ́н одолэ́скэ, конэ́стэ ёв исын.

Лачхо́ лав исын фэды́р кучонэ́ драбэстыр тэ кхосэн, и мэрибнаскиро дывэ́с исын фэды́р дывэсэ́стыр, ке́ли вари-кон бияндёла.

Дава́ исын фэды́р ваш манушэ́скэ тэ шунэ́н, ко́ли годэ́ мануша́ сыкавэ́на банг ту́кэ, сыр тэ шунэ́с дылыниньконэнгири гилы́.

Дава́ исын фэды́р тэ джас дро кхэр, кай ровэна пал мулэстэ, сыр тэ джас дро кхэр, кай свэнкинэна, пал-дова́ со дава́ исын ко́нцо (яго́ро), со ужакирэ́ла сарэ́ манушэ́н, и джидэ́ манушэ́скэ трэй дава́ тэ прилэл кэ ило́.

Годэ́-манушэ́скиро ило́ исын дро кхэр, кай ровэна пал мулэстэ, нэ дылыниньконэнгиро ило́ исын дро кхэр, кай радынэ́напэ сабнаса.