Oblíbené biblické verše z Дание́лё 2

Sdílet

О Дание́лё отпхэндя́ и пхэндя́: “Мэк тэ явэ́л бахтало́ Лав Ра́скирэ-Дэвлэ́скиро векостыр пэ сарэ́ ве́ки! Пал-дова́ со Лэ́стэ исын годы́ и зор. И ёв парувэла часы и бэршы́тка поры, Ёв тэлякирэла кралье́н и Ёв чхувэ́ла кралье́н; дэ́ла годыпэ́н годыпнаскирэнгэ и джиныбэ́н годэнгэ, Ёв откэрэла хорало и гарадо́ чачипэ́н, Ёв джинэ́ла, со исын дро калыпэ́н (цёмныма), и дуд исын Лэ́са.

Дание́лё отпхэндя́ анги́л крали́стэ и ракирдя́: “Гарадо́ чачипэ́н, пал саво́ пхучэла о кра́ли, нашты́ тэ откэрэн ни годыпнаскирэ (тануки), ни човаханэ. Нэ исын пэ болыбэ́н о Дэвэ́л, Саво́ откэрэла гарадэ́ чачипэна́; и Ёв откэрдя крали́скэ Навуходоносороскэ, со явэ́ла дрэ палатунэ́ (последня) дывэса́. Тыро́ суно́ и дыкхибэна трэ шэрэскирэ пиро́ тыро́ чхуибэ́н сыс дасавэ́

И дро дывэса́ кодолэ́ кралипнаскирэ о Дэвэ́л Болыбна́скиро чхувэ́ла кралипэ́н, саво́ дро ве́ки на пхадёла, и кодова́ кралипэ́н на явэ́ла пиридыно явирэ народоскэ; ёв пхаравэла и пхагирэ́ла сарэ́ кралипэна́, и ёв кокоро́ явэ́ла тэ тэрдёл дро ве́ки