Oblíbené biblické verše z 1 Химаскэ 6

Sdílet

Марпэ пал лачхо́ патяибэ́н и ве́чно джиибэ́н, кэ саво́ тут Дэвэ́л кхардя́, и пал саво́ ту патывалэс приґалыян анги́л бутэ́ якхитконэндэ (свидетелендэ).

Пал-дова́ со зорало́ тырдыпэ́н кэ ловэ́-дава́ исын пэ́рво дром, со янэ́ла кажно фуипэ́н, исын бут мануша́, савэ́ пир бари ґалкима кэ ловэ́ отрисинэ патяибнастыр и отдынэ́ пэс пэ бари би́да.

Нэ исын бари льго́та, ко́ли манушэ́стэ исын дар анги́л Дэвлэ́стэ и ёв исын древа́н радо сарэ́стыр, со исын лэ́стэ.

Пал-дова́ со амэ нисо́ на яндям дро дава́ свэ́то: дава́ чачо́, со амэ нисо́ на могинаса тэ лас лэ́стыр.

Упхэн далэ́ свэто́скирэ барвалэнгэ, соб (кай) ёнэ тэ на ґаздэ́н пэс и тэ на патя́н дро пэ́скиро барвалыпэ́н, нэ фэды́р тэ патял дрэ джидэ́ Дэвлэ́стэ, Саво́ пхэрдэ́с дэ́ла саро́, со трэй ваш амари́ бахт

А мануша́, савэ́ камэ́на тэ розбарвалён, поддэнапэ пэ пропатякирибэн и пэрэ́на дрэ фэлы́, и дрэ бут дылынэ́ и грэхи́тка тырдыпэна, савэ́ лыджа́на лэн кэ бэдытко пэрибэн и кэ хасибэ́н.

соб (кай) ёнэ тэ кэрэ́н лачхипэ́н, тэ барвалён лачхэ́ рэндэ́нца, тэ дэн васт илэ́стыр явирэ́нгэ тэ делинэнпэ пэ́скирэ барвалыпнаса явирэ манушэ́нца, скэдыи пэ́скэ кучипэ́н; дава́ исын лачхо́ фунда́менто и тэ скэдэ́н ваш часо, со явэ́ла ваш дова́, соб (кай) лэ́ндэ тэ явэ́л ве́чно джиибэ́н.