Oblíbené biblické verše z Ma̱te̱yo̱ 28

Sdílet

I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱, Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Iizek anjilo ci Ta̱mu̱ta̱dde̱no̱ ngaai ne̱ke̱ ne, “Ma o̱ngo̱o̱li̱nnu̱! Ka̱gga̱ orongnyu niga Ye̱su̱ bali ododike ol nonno ta̱la̱ke̱c ke̱. Iróng enne aave ngatu! Itingawe Ta̱mu̱ta̱dde̱n nonno daiza ki bali u̱du̱wa̱ Ye̱su̱ azi ne okko atin enne ingazi daiza. I̱vi̱ta̱ icinnet ngin bali abahek ol nonno ke̱.

Izek zin Ye̱su̱ nogo ne, “Ma o̱ngo̱o̱li̱nnu̱ zoz imma! U̱du̱ktta̱k nuyak cigannik aanycik koot lo̱o̱ce̱ ci Ga̱li̱li̱. Ovvo atin nege acinna annit nginati.”

U̱ru̱mtto̱ zin alaata cik olli wawaco ki lo̱ddi̱ki̱re̱ kar ku̱ru̱ktte̱k aciir ne̱ke̱ o̱ro̱bi̱ya̱ cik meelek abunna ming ovolongi ovvo azi ne ngen Ye̱su̱ kitinga daiza, Izektek zin nege aciir ne, “U̱du̱ktta̱k ol do̱o̱k zoz ci azi ne, ‘I̱vi̱ta̱ nuyaha cik Ye̱su̱ ba̱a̱l kar kodongit ele cinne baling ngen niga adungnu.’ Ming izik ddi̱ki̱ryo̱i̱ti̱ Pilato zoz necu, kozozikka atin naga nonno. Arannu̱ng atin zoz necu no̱ngi̱tto̱ne̱.” A̱gga̱mtta̱ zin aciiri ne̱ke̱ o̱ro̱bi̱ya̱ kar ku̱tu̱gu̱zzo̱ zoz bali a̱du̱wa̱k alaata cik olli wawaco ki lo̱ddi̱ki̱re̱ nogo ke̱. Ikeb zin olli Ya̱u̱do̱ zoz neci rok i̱yo̱ko̱.