Oblíbené biblické verše z Lu̱ge̱z 20

Sdílet

“Ke̱e̱ni̱ anna Manyi Ta̱mu̱ta̱dde̱n cunno̱ng, wa bali ka̱lu̱ga̱nu̱ng Masire lo̱o̱ce̱ bali a̱gi̱ddu̱ng ol ngati e̱e̱ggi̱nnu̱ du̱cca̱k ke̱. “I̱llo̱i̱ ngatinno̱ng ta̱mu̱ta̱dde̱ne̱t u̱gge̱, kize annit do̱ niko.

“Ma adimanekku e̱le̱tti̱ to̱do̱yo̱i̱t imma kudukto ki gi̱i̱ imma ta̱mu̱-kenga icima lo̱o̱ta̱ icima maame. Ma a̱di̱ngdi̱nga̱nnu̱ kaal cik een to̱do̱yyo̱k ko̱; eci anna Manyi Ta̱mu̱ta̱dde̱n cunno̱ng, ke̱e̱ni̱ anna Ta̱mu̱ta̱dde̱n ci kanyai meder, ke̱de̱zi̱ dooli zo̱ze̱ ci mu̱nye̱n ci be̱e̱ti̱gge̱k zee kizeto bu̱u̱llo̱wa̱ i̱i̱yo̱ icima we̱c wak amarina annita

“To̱ngo̱o̱lle̱ baatunne ki yaatunne, kar bak u̱u̱mu̱c lo̱o̱ce̱ ci aanyi Manyi Ta̱mu̱ta̱dde̱n cunne ko̱.

“Abunna ming a̱a̱da̱nnu̱ I̱i̱te̱n wa Yu̱bze̱nto̱ u̱zu̱tte̱ kize i̱i̱te̱n ci a̱li̱le̱.

“Ma aminye zar cik Manyi Ta̱mu̱ta̱dde̱n cunne volonga, eci Manyi edez atin e̱e̱t ci aminye zar ciginnek.

Abunna ming a̱li̱ngli̱ngnyu̱ i̱i̱nya̱ torkonom, tu̱gu̱ kaal cigunnek do̱o̱k, ma̱i̱je̱ i̱i̱te̱ne̱ ci een turgerem ko̱ anyik kize i̱i̱te̱n ci Manyi Ta̱mu̱ta̱dde̱n cunne. Okko i̱i̱te̱ne̱ necu, ma a̱li̱ngli̱ngnyu̱ gi̱i̱ imma, i̱nna̱ icima ngerunne, icima buweenyunne, du̱ca̱i̱t ci maci icima du̱ca̱i̱t ci nga̱a̱ye̱, icima elegje, icima i̱do̱ngi̱ cik abak orgene cunno̱ng.

“Ma anyai zinin ci a̱ppwe̱ ce̱e̱ze̱ ci e̱e̱t imma. Ma amanik ngaa ci locari cunne, icima du̱ca̱i̱t ci nga̱a̱ye̱ icima ci maci cik a̱li̱ngli̱ng ce̱e̱ze̱ cinne, ma arik bo̱do̱k zinin tomot, icima zi̱gi̱r icima kaal cik anyak locari cunne.”

“Ma a̱du̱wa̱ zoz ngati ovolonge e̱e̱t imma.

“Ma orootonu ki ngaai cik ollu.

“Ma amunyi e̱e̱t ci diiri.

“Ma ogorze.