Oblíbené biblické verše z MATTHEW 19

Sdílet

Edi Jesus owuk enyin ese mmɔ, onyuŋ ɔdɔhɔ mmɔ ete, Emi edi se owo mikemeke ndinam edi Abasi emekeme ndinam kpukpru ŋkpɔ.

Ntre ke mmɔ idige aba owo iba, edi edi obuk kiet. Mmɔdo se Abasi ama akadian, yak owo okudianare.

Edi Enye ɔbɔrɔ ete, Nte mbufo ikokotke ite, Enye emi okobotde mmɔ obot mmɔ eren ye ŋwan toto ke eritɔŋɔ? ŋko, Ke ntak emi owo eyekpɔŋ ete ye eka sie akadiana ye ŋwan esie, ndien mmɔ mbiba eyekabare edi obuk kiet.

Edi Jesus ɔdɔhɔ mmɔ ete, Eyak ŋkpri nditɔ, ekukpan mmɔ nditiene Mi; koro Obio Ubɔŋ Heaven edide eke oruk emi.

Edi ediwak mmɔ eke ebemde iso eyekpere edem, mme ekperedem eyenyuŋ ebe iso.

Ndien kpukpru owo emi ekɔkpɔŋde ufɔk, mme nditɔ-eka iren, mme nditɔ-eka iban, mme ete, mme eka, mme nditɔ, mme isɔŋ, kabaŋa enyiŋ Mi, eyebɔ utip utim ikikie, eyenyuŋ enyene nsinsi uwem.

Jesus ɔdɔhɔ enye ete, Edieke oyomde ndifɔn mma, ka kanyam se enyenede, da nɔ mme ubuene, ndien eyenyene inyene ke heaven: nyuŋ di disaŋa ye Ami.

Edi Jesus ete enye, Nsinam obupde Mi abaŋa se idide eti: Kiet odu emi edide eti: edi edieke oyomde ndiduk uwem, nim mbet.

Mmonyuŋ ntɔŋɔ ntak ndɔhɔ mbufo nte, edi mmemmem ŋkpɔ ye camel ndibe ke odudu abiabon, akan owo inyene ndiduk ke Obio Ubɔŋ Abasi.

Edi toto ke eritɔŋɔ ikedige ntre. Edi ndɔhɔ mbufo nte, Owo ekededi eke edisiode ŋwan esie ndɔ, ke mitoho ke eridue ye erenowo, onyuŋ ɔdɔde efen, esin efibe: ndien owo emi ɔdɔde enye, ke ini ema esio enye, esin efibe.

Edi Jesus ɔdɔhɔ mbet Esie ete, Ke akpanikɔ ke ndɔhɔ mbufo, ɔsɔŋ owo inyene ndiduk ke Obio Ubɔŋ Heaven.