Oblíbené biblické verše z LUKE 6

Sdílet

Enɔ, ndien eyenɔ mbufo; eyedomo ɔyɔhɔ udomo eke emiŋde ɔsuhɔre, eke enyeŋede, onyuŋ ɔyɔhɔde ɔduɔhɔ, esin mbufo ke ɔfɔŋ. Koro udomo eke mbufo edade edomo enɔ owo, ke edida edomo enɔ mbufo.

Eti owo osioŋo se ifɔnde ke nti ŋkpɔ eke enye okobonde ke esit esie; idiɔk owo onyuŋ osioŋo se idiɔkde ke mme idiɔk ŋkpɔ eke enye okobonde ke esit esie; koro oto ke uyɔhɔ esit ndien inua etiŋ.

Edi ema mme asua mbufo, enyuŋ enam ufɔn enɔ mmɔ, enyuŋ ebuɔt, ekudori-enyin ndifiak mbɔ; ndien utip mbufo eyekpon: mbufo eyenyuŋ edi nditɔ Andikoŋ-ŋkan: koro Enye ɔfɔnde ido kpa ye mmɔ eke mikɔmke Enye ye mme idiɔk owo.

Etua owo mbɔm ndien kpa nte Ete mbufo atuade owo mbɔm, Ekunyuŋ esioŋo owo ndo

ndien owo idisioŋoke mbufo ndo. Ekunyuŋ ebiom owo ikɔ, ndien owo idibiomke mbufo ikɔ. Esana owo eyak, ndien owo eyesana mbufo eyak.

Edi ndɔhɔ mbufo emi ekopde ikɔ Mi, nte, Ema mme asua mbufo, enyuŋ enam ufɔn enɔ mmɔ eke esuade mbufo, enyuŋ ediɔŋ mmɔ eke esuŋide mbufo, enyuŋ ebɔŋ akam eyom ufɔn mmɔ eke esuenede mbufo.

Nte mbufo eyomde owo enam ye mbufo, enam kpa ntre ye mmɔ.

Owo ama oyibi fi ke mfuk kiet, kabare eken nde nɔ enye: owo ama onyuŋ ɔbɔ fi ekura fo, kusin ndinɔ enye ekpri ɔfɔŋidem fo nde. Nɔ kpukpru owo eke ebeŋede fi ŋkpɔ, owo eke onyuŋ ɔbɔde fi ŋkpɔ, kubup enye ɔtɔŋɔ ntak ɔnɔ fi.

Koro baba eti eto kiet iduhe eke oŋwomde idiɔk mfri; mbiara eto inyuŋ iduhe eke oŋwomde eti mfri.

Koro efiɔk kpukpru eto kiet kiet ke mfri esie. Koro owo itetke fig ke ŋkukim, inyuŋ itetke grape ke mbara-ekpe.