Oblíbené biblické verše z EXODUS 7

Sdílet

NDIEN Jehovah ɔdɔhɔ Moses, ete, Sese, mmonim fi ke Abasi nnɔ Pharaoh: ndien Aaron eyen-uka eyedi prophet fo.

Ndien ami nyenam esit Pharaoh ɔsɔŋ, nyenyuŋ nnam mme idiɔŋɔ mi ye mme utibe ŋkpɔ mi ewak ke isɔŋ Egypt. Edi Pharaoh idikopke inɔ mbufo, ndien nyemenere ubɔk mi ndori Egypt ke idem, nyenyuŋ nda ŋkpɔ ufen nsioŋo mme udim mi, ikɔt mi nditɔ Israel, mfep ke isɔŋ Egypt.

Ndien nditɔ Egypt eyefiɔk ete ke ami ndi Jehovah, ke ini ami nnyanarede ubɔk mi ndori Egypt ke idem, nnyuŋ nsioŋode nditɔ Israel ke otu mmɔ mfep.

Ndien Pharaoh onyuŋ okot mme ɔfiɔkŋkpɔ owo ye mbiaidiɔŋ edi. Ndien idem mbia-idiɔŋ Egypt ŋko enyuŋ eda idiɔŋ mmɔ enam ntre. Kpukpru mmɔ enyuŋ emen esaŋ mmɔ eduɔk ke isɔŋ, ndien esaŋ ekabare edi urukikɔt: edi esaŋ Aaron emen esaŋ mmɔ esin ke idibi.

Ntem ke Jehovah ɔdɔhɔ ete, Ŋkpɔ emi eyenam fi ɔfiɔk ete ke ami ndi Jehovah: sese, ami nyeda esaŋ ke ubɔk mi nyibi mmɔŋ emi odude ke akpa emi, ndien enye eyekabare edi iyip.

Adaŋemi Pharaoh edidɔhɔde mbufo ete, Mbufo ewut mme utibe ŋkpɔ ke idem mbufo: ndien afo edidɔhɔ Aaron ete, Men esaŋ fo duɔk ke iso Pharaoh, ndien esaŋ eyekabare edi urukikɔt. Ndien Moses ye Aaron eka ke ebiet Pharaoh ekenam ntre, kpa nte emi Jehovah eketemede: ndien Aaron ada esaŋ esie ɔduɔk ke isɔŋ ke iso Pharaoh, ye ke iso ikɔt esie, ndien esaŋ akabare edi urukikɔt.