Oblíbené biblické verše z Imika 4

Sdílet

Ẹkụra ọzọza ẹ nyẹngụ aa hẹkẹ ori ẹnịnị Ẹnẹyịmavara ana vi Ohomorihi ayị ẹ́ yị vaa hẹkẹ pooro zịna-zịna nị. Anisirẹrị vaa vaa vẹ eehi.

Anẹkụra ọrụrụ-ọrụrụ vaa vẹ di ẹ ka à vẹ ẹnị ẹ̀ nọ ịda Ẹnẹyịmavara. Dị ẹ ka ẹnị aa nọ ịzọọ ịzị a dà irehi Ohomorihi Anisirẹrị tụ́. Ohomorihi vaa sịị zụ̀ ịsị a vọrọ ka yaā mẹ di ebira ayị ò zụ zee e eyi. Ẹnẹyịmavara vaa sị ịrẹyị anịị zụ̀ aza ẹkụra Ijerusarẹmị. Ịzayọnị ọ vaa yàa kà ịrẹyị anịị yị aza nị.

Ụmẹ aa vẹ dị ataba ịzị dà irehi Ẹnẹyịmavara tụ́ aanị kuku vaa vị ataba ana nẹba hu ataba ana vọ, dị ọ da jịnẹ wa. Anẹkụra ọrụrụ-ọrụrụ vee tụraa hi ịzọọ.

Ohomorihi vaa mẹ̀ ọkarẹyị yị anẹkụra ene ee pè ẹngụụ zyaazị, ẹkụra ẹbanyị ana nyị ụkata ana gụrị ẹtẹ ọnịrị ene noze. Ụhwọ ana aza ẹnẹẹ vịdị aa sịị kụ́ ịrẹkụ vi eni e venee si tụ́ ẹdụ ana a sịị kụ́ ịrịkụ. Dị ẹ sị ọha ẹnịnị tù ụhwọ ana a sịị mẹ̀ ụkọrọ ini aarẹ, aanị tụ́ ịnị ịrẹyị ẹnịnị. Mị ka o vee ji ịrazị ana aza ee pè ẹngụụ zị. Anẹkụra ẹ mā vana kwẹẹtẹ tụ́ ẹngụ ka vị ẹnị aa kụ̀ ịrẹkụ nị. Ẹ yị kụkụ vaa nyị ka vị aza aa kọsẹ ịrẹkụ nị.