Oblíbené biblické verše z Imatiwu 5

Sdílet

Ọza o mē hú ozotupa, dị ọ sị ịchacha kú ọọ; ama ịzị aā sị ozotupaa gẹ, aa sị ọọ gẹ nị. Dị aa sị ẹtohweyi yị avaba aza ana yà ini eehi. Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Ẹwụ nịnị ọ vị ẹtohweyi yị anẹhẹ nị. Ẹkụra ana yà ịrẹsụ ataba, ọ yị zụ tẹ.

Aza ana ayị ẹnịnị nị vaa daa jẹ, agụvị ka e vee re Ohomorihi.

Aza ene enyi aa kụ̀, dị ụngwẹ aa kụ̀ ka ẹnị ẹ̀ zụ mẹ ịzẹyịza vaa daa jẹ, agụvị ka Ohomorihi vaa vayị ẹnịnị.

Ama ẹma kà a yị wụ nịnị nị ka, sì ịrẹyị ọnịvị awụ nịnị, waa mẹ̀ aduwaa yị aza ene ee chìi hi wu nịnị, waa mẹ ọyịzaa yị aza anaā kụ́ ayị awụ nịnị! Dị ụ wa rẹẹ mẹ̀ aduwaa yị aza ana aa mẹ wụ nịnị kẹnẹ-kẹnẹ, ọnịrị aza ana aa sị ụyaa rị wụ nịnị!

“Aza ana yẹ ka ẹnị ẹ̀ yị yẹ Ohomorihi a mẹ̀ vọrọ, vaa daa jẹ, agụvị ka ẹnị ẹ vaa ngụ ịzị Ada ayị ẹbẹẹba yà aa mẹ ịjọva nị.

Aza eneē sì ẹngwọọrọ vaa daa jẹ, agụvị ka Ohomorihi vaa hị́ wa ezi anị.

Aza ana aa jị òrèrè vaa da jẹ, agụvị ka Ohomorihi vee hunẹnẹ wa ayị.

Aza ana àaa sị ụyaa rị agụvị ịrẹyị ịzẹyịza vaa daa jẹ, agụvị ka ẹnị ẹ vaa ngụ ịzị Ada ayị ẹbẹẹba yà aa mẹ ịjọva nị.

Anayamva vaa daa jẹ, agụvị ka Ohomorihi vaa vayị ẹnịnị.

Ụ vaa daa jẹ nịnị, aza àa kụ̀ wụ nịnị ụhụ, dị ẹyaa sị ụyaa rị wụ nịnị nị, dị ẹyaa sị irechee kà avaba ịsa odivi hi wu nịnị nị agụvị amị. Waa jẹ, dị ịnẹ awụ nịnị òo hine ẹtẹẹtẹrẹ, agụvị ka Ohomorihi ọ raà sị ọgụ ọbanyị tẹ wụ nịnị tụ́ ẹbẹẹba. Avọọ gẹdẹ-gẹdẹ a mẹ̀ rẹ sị ụya rị ọnịsẹ nịnị ana vịdị vẹ tụ́ wụ nịnị nị.”

Aza ana nyị ebira hẹẹ vaa daa jẹ, agụvị ka ẹnị Óhomorihi vaa sị avaba ẹhẹẹ yị nị.

“Ẹwụ nịnị ọ vị anọ yị anẹhẹ nị. Ama anọ ọ̀ọ sị uhine anị ne ta, sị a kụkụ aa sịị vara a ka ò hine? Ẹ yị kụkụ nyị ịsị ọ rụra mẹ, à yị vị ka è ne e ta, dị aza ẹ̀ẹ kụ́ ahụụ hi ọọ.

Agụvị avọọ, áa vọrọ ka wa gụ nịnị, anka Áda awụ nịnị ẹbẹẹba mẹ̀ gụ.”

Wàa kà a ka ‘Hịịn’, ọ̀ vị hịịn; wàa kà a ka ‘Eyiye’, ọ̀ rẹ yị vị eyiye! Ịsị èe si huna ẹnẹẹ, ịdị Echu ọ hụrẹ vẹ nị.”

Wâ wụ́ nịnị, a mẹ̀ kà a ka, “Ọza ọ̀ọ tụ̀ wụ eyi ọnya, ẹwà rẹ tụ̀ ọ eyi ọnya; ọza òo hu wu anyị ọnya, ewè re hu ọ anyị ọnya Ama ẹma kà a yị wụ nịnị nị ka, ọza ọ̀ọ mẹ wụ odivi, asị u sí ọ atọ! Ọza ọ̀ọ nya wụ arụhwọtọ eyi ụvọrị, rẹ vara eyi ọsa kà a bẹẹ.

Eyi ụvọrị awụ ọ̀ọ mẹ ka wa mẹ ịvị, tụ̀ ọ kwooze, di u we ne e ta! Agụvị ka ọ́ọ gụụ wụ ka ọchẹngụ awụ ọnya ọ̀ dà vú hu ka è ne ẹwụ ụvọta ngụ ẹkụra. Ụvọrị awụ ọ̀ọ rẹ mẹ ka wa mẹ ịvị, jị ọ kwooze ne ta! Agụvị ka ọ́ọ gụ wụ ka ọchẹngụ awụ ọnya ọ̀ dà vú hu ka è ne ẹwụ ụvọta ngụ ẹkụra.”