Oblíbené biblické verše z Iruuku 17

Sdílet

Dị Ijeesu kà a yọ ka, “Kwẹẹtẹ, dị ụ wa na, agụvị ka ẹdọwụ awụ ọ sị wụ mẹ ụkụ!”

Ọ̀ọ daka rị ịvị awụ ụpẹ ịhịmba ịnị ẹkụhị, dị ọ rẹ vẹ ụpẹ ịhịmba ọnọọ dị ọ ka aarịhịnị ka vị ọnị ọ̀ yị yẹ nị, ụ vagu ọọ!”

Ọ́za ịnyara ẹnịnị mè re ka ẹngụ anị ọ́ọ ta, dị ọ vavẹ, dị ọ sị ọngwẹ anị tụ́ ẹba, dị aa sị ụgaa yị Ohomorihi nị. Dị ọ tana tụra ẹtẹ ọ́vịdị Ijeesu, dị aa kụ́ ọọ avọ nị. Ọza ọnọọ vị Anịsamarịya.

Sị eyi pe ẹngụ awụ nịnị! Ọhụva awụ ọ̀ọ rị ịvị awụ, ụ tụ́ ọọ ohuvọ! Òo ro ịnẹ varẹma, dị ụ vagu ọọ!

Dị Ijeesu tụ́ ohi, dị ọ ka, “Aanịka ẹ yị vị aza ẹnị ẹẹwụ a mẹ ụkụ? Ịzị aza ẹnị ịhịịna ana vọ yà?

Dị Ananyị yị ka, “Ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ọchị ọnọnị nịnị ka ọnịrị ẹpa anị ò hu, dị ọ̀ hị́ ẹngụ anị tụ́ ini òkū, vị aa wụ́ ịrẹyị awụ nịnị nị.”

Ọza ene èe sì ka oni èe tenyi ụhwẹ anịị tẹ, vi ee vú ọọ nị. Ọza ene èe ne ụhwẹ anị ta, ọnị ọ sị ọọ tẹ nị.

Ijeesu ộ kà a yị ezirẹma anị ka, “Ẹ yị zụ nyị ka ịsị ẹẹ̄ mẹ ọzaa mẹ ịvị, ọ yị vẹ; ama ọza ana àa kụ́ ọọ vẹ, ọ sị dà. Ọza ana àa mẹ ka ọnya ini ezi eweyi ẹnẹnị ọ̀ mẹ ịvị, ọ yaanị dahi huu yọ ka à sị ịrẹtọkwayị ọbanyị, di è kuru ọọ gẹ ẹ ọrọkọ, di è ne e ngụ oku.

Ịhị ẹmị Ozi ọza onigirima àaa vẹ, vị ọ vaa yà anka ụmẹ Inowa avọọ nị. Ịnị ụmẹ Inowa, aza vị ana aa rị, di eyee hú, dị anọrụ aa nyị ọnẹẹ, dị anẹẹ aa vá anọrụ. Avọọ ẹ mẹ̀ mẹ pooro ne tù ẹkụhị oni Inowa sị ngụ ịnị ẹpa nị. Dị ọhaara enyi vẹ, dị ọ va kụ́ avaba aza ana vọ nị.