Oblíbené biblické verše z Ịjọọnụ 6

Sdílet

Dị Ijeesu ka, “Ẹma vị ịsọyịrị anaā mẹ ka ọza ọ̀ yàra booro nị. Ọza ana àa ká mị vẹ, ụngwẹ ọ mā vana kụ̀ ọ paa. Ọza ana àa sị ayị tụra mị, enyi ọ mā rẹ vana kụ̀ ọ paa.

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ịsị Ada amị ee sì, yị: Ee sì ka avaba aza ene èe re Ozi anị, dị ẹ rẹ sị ayị tụra a nị, ẹ̀ zụ yàra pooro zịna-zịna; mị rẹ vaa ha waa hụụnị isu ịnị ẹkụhị ọdịrẹma.”

Dị Ijeesu kà a yị wa ka, “Ịsa oni Ohomorihi ee sì ka wa mẹ nịnị, yị: Sị ayị tụra ọza ọnị ọ tụ́ vẹ ẹhẹ nịnị!”

Avaba aza ana Ada amị ọ̀ọ raà sị chire mi ụvọ, ẹ vaa ká mịị vẹ. Avaba aza ana àa ká mị vẹ, mẹ yị vaa dị waa varẹma

Dị Ịsayịmọnị Ipita tụ́ ohi, dị ọ ka, “Ananyị yị, ẹnẹ ẹyị kụkụ aa káa na? Ẹwa nyị ịrẹyị ana zụ mẹ ka ọza ọ̀ yàra pooro zịna-zịna nị.

Ẹma vị ịsọyịrị anaā mẹ ka ọza ọ̀ yàra booro nị. Ẹbẹẹba mị hụrẹ vẹ nị. Ọza ana àa rị ịsa ọnọọ, vaa yàra pooro zịna-zịna. Ọchẹngụ amị ọ vị ịsọyịrị ọnị mị vaa sị yị aza nị. Maa sịị yị anẹhẹ ka ẹ̀ zụ yàra obooro.”

Ẹ yị nyị ọza ana nyẹngụ ká mị vẹ, ẹ̀ yị vị Ada amị ana tụ́ mị vẹ ẹhẹ tura a vẹ. Ọ̀ọ vẹ, dị mị haa hụụnị isu ịnị ẹkụhị ọdịrẹma.

Ịsọyịrị oni Ohomorihi sị yị aza, ọ vị ọza ana hụrẹ ẹbẹẹba vẹ ẹhẹ, dị ọ va mẹ ka anẹhẹ ẹ̀ zụ yàra nị.”

Ẹma vị ịsọyịrị anaā mẹ ka ọza ọ̀ yàra booro nị.

Dị Ijeesu sị Ịbụrẹẹdị ẹnẹẹ, dị ọ kụ́ Ohomorihi avọ tụ́ ọọ, dị ọ ka à gà ẹ yị aza ana yaayịtẹ ịzọọ nị. Dị ọ ka à rẹ vavọọ gà ivovo ẹnẹ yị wa nị. Ọzọza ộ nyị, o mè sì. Ịjị ịnẹ sị wa há, dị Ijeesu kà a yị ezirẹma anị ka, “Kụ́ ana vọ gụ nịnị, agụvị asị a nyị ene du ha!”

Ezirẹma Ijeesu ệ họ̀ ẹpa, ẹ́ zị ụsẹ ẹhụụ ịmẹẹrị ẹẹta na ngụ ẹhụụ ẹẹna avọọ, di e vene re ka Ijeesu aa zị ụsẹ ị́rẹsụ enyi, dị aa ká ẹpa ẹnịnị vẹ nị. Angwa ô hí wa ẹtẹẹtẹrẹ. Dị Ijeesu kà a yị wa ka, “Ẹmịị yọ nị, asị u rè hí angwa nịnị!”