Oblíbené biblické verše z Ayịsaya 43

Sdílet

Sị eyi pe ẹtẹ ka, maa naa mẹ̀ ịsa ọwọọwa. Ó si nyima aa mẹ da, wee re e nịnị booro aanị. Mị vaa tụ́ oze tụ ịnị ụnọmị, dị mị mẹ okuha ene enyi ee sì ịnị anịị wụ nịnị ịzọọ.

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ

Ọ kà, “hí ayị ịsa ana mẹ ịyẹẹyẹ nịnị, a sị u ne ro ịrẹyị ịsa ọkụkụ nịnị.”

Isirẹrị, Ẹnẹyịmavara ana tụ́ wụ ka, “Asị ụ hí angwa ka mị vaa dọ wụ ha. Ma raà sị ịrẹha awụ hị́ wụ, áamị ụ vị nị.

Agụvị ka wâ nyị irihi ini eyi amị nịnị, mâ sị ụbanyị wụ nịnị, dị mị sì ịrẹyị awụ nịnị nị. Mâ hụrẹ aza ụvọ ụvị dị ụ wa ha nịnị. Mâ sị anẹkụra nịnị vara wụ nịnị, ụvị dị ụ wa yàra nịnị.

Ẹma vị Ẹnẹyịmavara homorihi awụ nị. Ẹma vị Ọza Ọnịnị Anisirẹrị ana dọ wụ ha nị. Mâ sị Anijipiti nịnị si ụta awụ nịnị. Anetiyopiya ọnịrị Aniseba nịnị mị sị vara wụ nịnị ụvị dị ụ wa yàra nịnị nị.

Asị ụ hí angwa, agụvị ka mị yà pe wu nịnị. Mị vaa kụ́ ezi ewu nịnịị hụrẹ eyi ọnị ọyịị̄ zị vẹ, ọnịrị hụrẹ eyi ọnị ọyịị̄ zị naa ngụ ẹtẹẹ vẹ. Mị vaa kụ́ wụ nịnị gụ.

Ama, ẹma vị Ohomorihi ana vagu ebira edivi ọnị ụ mẹ nịnị nị. Agụvị ọza ọnị mị vị mị maanị mẹ nị. Mi vee hí ayị ebira edivi awụ nịnị.

Ẹnẹyịmavara kà, “ẹwụ nịnị Anisirẹrị, ọnị mị sị nyị ka ẹ̀ vị ezi ahụ amị, ẹwụ nịnị ẹ vị onivenu amị nị”.

Ọ kà, “Ẹmị, Ẹma vị Ẹnẹyịmavara nị. Ẹ yị nyị ọza ẹnẹsa ịrẹma amị ana zụ dọ ọza ha.

Ẹma vị Ohomorihi nị, ẹma yị vaa vị Ohomorihi pooro nị. Ẹ yị nyị ọza ana zụ dọ ọza ha hụụnị ụvọ amị, màa sị ụkata za a. Ịsị mị mẹ, ọza ẹ yị zụ vara a.

Uye edivi nịnị vaa sị ụbanyị yị mị. Irezi ini enyi ẹnịrị ọgọdọbẹ nịnị vaa kụ́ mị avọ, ịjị màa mẹ okuha nịnị ee sii yị enyi ịnị ụnọmị, dị mị sị enyi yị aza amị ọnị mị nyị nị. Ẹnịnị ẹ vị aza ẹnị mị mẹ yị ẹngụ amị nị, agụvị ẹnịnị ẹ̀ vaa jị ahẹ kụ́ mị avọọ.

Mị vaa kà a yị Aneyi ẹbẹẹba ka ‘Hụrẹ wa ụvọ’, dị mị kà a yị Aneyi ụvẹtẹ ka, ‘A sị ụ za wa jẹẹ.’ Kụ́ ezi ọnọrụ amị hụrẹ aha ẹnẹẹnẹ vẹ, dị ụ wa kụ́ ezi anẹẹ amị hụụ ịzị ẹhẹ na ta hi vẹ. Avaba aza ana aa sị ịrẹha amịị hị́, vị ọnị mị tụ́ ka ẹ̀ vaa sị ụbanyịị yị mị. Ẹ̀ ma tụ́ wa nị.”

Ẹnẹyịmavara kà, ọnị ọ tụ́ oze tụ ini òkū nị, ọnị ọ̀ tụ́ oze tụ́ ini enyi ọbanyị nị. Ọnị ọ kụ Anirẹkụ ọrọgọdọ ne vu ẹtẹ nị. Isoja ana kụ́ ụkẹkẹ ịrẹkụ ọnịrị umaata nịnị. Ẹnịnị ệ hyẹdụ, ẹ yị vana zụ kwẹẹtẹ. Vị́ ẹ vana sị mẹẹ anka owu ozotupa ene mí ịra anị avọọ nị.

Ẹma vị Ẹnẹyịmavara, Ohomorihi awụ nịnị ana vị Ọnịnị nị. Anisirẹrị, Ẹma tụ́ wụ nịnị nị, dị mị rẹ vị ohinọyị awụ nịnị nị.”