Oblíbené biblické verše z Oyinyima 17

Sdílet

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Ẹ yị kụkụ vị Abụramị ịrẹha anị rị, ọnị ọ kụkụ rị Abụrahamị nị, agụvị ka ọnị ọ raà vara a ada otomiroku anẹkụra.

Di Ohomorihi rẹ ka Ịrẹyị ọnọnị ọnị ọnị maanị pè e ọnịrị ezi anị ịrẹma-ịrẹma kà aanị vị ana jẹẹ pooro. Ịrẹyị pooro zịna-zịna ọ vị nị. Ịrẹyị ọnọọ ọ vị ka ọnị vaa vị Ohomorihi ọnịrị ezi anị ịrẹma-ịrẹma pooro zịna-zịna.

“Ịrẹyị oni oni pè e kà yị: ọnị ka ada anẹkụra otomiroku ọ vaa vị nị.

Di Ohomorihi ka: Eyiye, Isera ose anị vaa ma ozi ọnọrụ ọnya. Ọ̀ọ sị ọ ma dị ọ yị ọ Ayiziiki. Ọ kà Ịsị ọnị pè e kà tịtẹ aanị, ọnị ọnị vaa sịị yị nị, beri ezi anị ịrẹma-ịrẹma.

Ẹtẹ ọnị ọ yà ịnị anị aanị vị ọnị ọnị vaa sịị yị ọnịrị ezi anị ịrẹma-ịrẹma. Ọ kà ọnị ka avaba ẹtẹ Ikanaani ọnị vaa sịị yọ di ahịka ọnị ọ kụkụ nyị pooro nị. Ọ rẹ ka ọnị ọ vaa vị Ohomorihi ẹnịnị nị.”

Di Abụrahamị tana tụra ẹtẹ, dị ọ và eyi kú ẹtẹ di ee nyinyi nị. Di ee ro o ịnị ayị anị ka: áá kụkụ zụ ma ozi yị ọza ana sị gụ ịrayị ẹchẹhị? Isera ana sị gụ ịrayị ẹnarẹwụ aanị ọ kụkụ zụ ma ozii?”

Di Ohomorihi rẹ kà a yị Abụrahamị dị ọ ka, “Hụrị ajịnị na, asị ụ rẹ kụkụ hị́ ose anị Isarayi. Ịrẹha anị ọ kụkụ rị Isera nị.

Ọ kà ẹ vavọọ vaa jị ụvẹvẹnẹ. Ọnị ọ vaa vị apọtẹrẹwa ka â nyị ọkatịtẹ ana yà ịnị akakana ọnịrị wa nị.

Ọ kà ama ịsị ọnị ka ọnị vaa mẹ ịnị ịrẹyị ọnị mi pè e kà tịtẹ aanị, Ayiziiki ọnị vaa mẹ̀ ẹ yị nị. Ọ rẹ ka ụmẹ aanị ụpẹ ọsa, Isera sị ozi ma yọ.

Ọ kà ọnọrụ ana àa sị gụ ẹkụhị ịhịnta ịnị aza anị vị ọnị ọ vaa jị ụvẹvẹnẹ. Avaba anọrụ ene vee hi ini ovwoovu anị vị ọnị ọ vaa jị ụvẹvẹnẹ, òo zee e eyi à ma a ini ohweje awụ òo zee e eyi ọ sị ẹkẹhị na hị́ ọ ịnị ụvọ ọzọga. Ọ kà ozi ana a ma ini ohweje anị ọnịrị ozi ọnị ọ sị ẹkẹhị anị na hị́ vị ọnị ọ vaa jị ụvẹvẹnẹ. Ohomorihi rẹ ka apọtẹrẹwa ọnọọ vị ana vaa yà ịnị ẹngụ ẹnịnị ana vaa sị zụ ka ịrẹyị ọnọnị vị ana jẹẹ pooro zịna-zịna.