Oblíbené biblické verše z Ezikẹẹrị 34

Sdílet

Ọnị vee sị̀ ẹnị ene vu, ọnịrị ẹnị ana sị ha hụrẹ oze, dị ọnị kụ́ wa vavẹ eehi. Ẹnị ana ahụ aa zị, ọnị vaa jị ịsaa sụ ọ yị wa. Ọnị vaa mẹ ka ẹnị ana tụ ọkụmị ẹ̀ nyị ụkata. Ọnị vaa si eyi pe ẹnị ẹbanyị-ẹbanyị ana nyị ụkata, dị ọnị aa sị ịzẹyịza pa avaba ẹnịnị.

Ọnị vaa tẹsị ẹnịnị anka oseratẹmẹ mẹẹ tẹsị atẹmẹ anị ana gara hi dị a varẹma kụ wa va gu avọọ. Ọ kà ọnị vaa kụ waa vaavẹ hụrị avaba aha ana á gara wa ne hi ịnị ụmẹ odivi ọnị ẹngụkata si tu wa.

Ọnị Ẹnẹyịmavara Ochẹtẹẹngụ aa kà a yị wụ nịnị ka, ọnị-ụvọta venee sì atẹmẹ, dị ọnị aa tẹsị ẹnịnị.

Ẹnẹyịmavara Ochẹtẹẹngụ ka, ọnị ụvọta o venee sere atẹmẹ anị nị. Ọnị vaa mẹ ka ẹ̀ sụ̀tẹtẹ hi ẹtẹ.

Ọ kà, ẹwụ nịnị atẹmẹ anị, ọnị ọnị aa pa vị aza anị, dị ọnị vị Ohomorihi awụ nịnị nị.

Ozi-ọza, ọnị ọ̀ và eyi ịrazị ka ẹnị ọdọvịdị Anisirẹrị nịnị, dị ọnị ò tụ́ wa ohuvọ. Ọ kà ọnị ọ̀ kà a yị wa ka, ọnị Ẹnẹyịmavara Ochẹtẹẹngụ ka, ẹwụ nịnị oseratẹmẹ Anisirẹrị ẹ́ sị da. Ịrayị ẹngụ awụ nịnị kẹnẹ ọ jị wụ nịnị areyi nị, ama wẹ́ yị tẹsị atẹmẹ anị nịnị.