Oblíbené biblické verše z Ezikẹẹrị 18

Sdílet

Ẹnẹyịmavara Ananyị ụkata hu ka, ayị anị é yi hine ka ọzọnyị-ọzọnyị ò sú o. Avọọ, và hụụnị ebira odivi, dị wa yàra nịnị.

Ọza ana mẹ̀ ebira odivi, o vee su isu anị nị. Ozi ẹ́ yị vaa rị ụya ebira odivi ada anị; ada ẹ́ yị vaa rị ụya ebira odivi ozi anị. Ọza ọyịza vaa rị ọgụ ebira ọyịza, avọọ ọza odivi mẹ vaa rị ụya ebira odivi anị nị.

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Ẹnẹyịmavara Ananyị ụkata hu aa họ̀ ka, ví wéé roo ka vị ayị anịị hine ka ọza odivi ee su nị? Éyiye, Ọnị òo re ka ộ và hụụnị ebira odivi anị, dị ọ́ yara nị, vị ayị anịị hine nị.

Ẹnẹyịmavara kà, ama ọza odivi ọ̀ọ va hụụnị ebira odivi anaa mẹ, dị aa saasa ọda anị, dị aa mẹ ịzẹyịza ọnịrị ịsị ana vọrọ nị; ịzẹyịza, ọza ọnọọ ẹ́ yị vee sụ, vị aa yàra nị.

Ẹnẹyịmavara Ananyị ụkata hu ka ọza ọnọọ àa sị ịzẹyịza saasa ịrẹyị anị, dị aa mẹ ịsị ọnị ọda anị kà nị, ọza ọnọọ ọ vị ọnịrẹyịzẹyịza nị, avọọ, ọ vaa yara.