Oblíbené biblické verše z Ọyịkụra 3

Sdílet

Di Ohomorihi kà a yi Imosiisi dị ọ ka Ọnị ọ rị Ẹmị ana vị Ẹmị Di Ohomorihi rẹ kà a yọ dị ọ ka: Ọ̀ kà a yị Anisirẹrị ka Ẹma vị Ẹmị ọ tụ́ ọ vẹ nị.

Di Ohomorihi ka Ọnị vaa jẹẹ ịrẹma anị. Ọ kà ọnọọ vaa sị zụ̀ ka ọnị ọ tụ́ ọ nị. Dị ọ rẹ ka ọ̀ọ raà kụ́ aza ẹnẹẹ jịnẹ hụrẹ Ijipiti, dị ọ̀ va hẹkẹ ọnị Ohomorihi ịrẹsụ ataba ọnọọ.

Di Ohomorihi rẹ ka, “Asị ọ kà vẹ hu avọọ. Ọ kà Imosiisi ọ̀ tụ̀ adava anị hị́ ẹtẹ agụvị ka ọnị Ohomorihi yà ịzị ọ jẹẹ avọọ.”

Di Ẹnẹyịmavara va kà a yi Imosiisi dị ọ ka: Ọnị o re a màa chamayịị yị aza anị ene hi Ijipiti. Ọ kà a màa za waa mẹ̀ ụkọrọ, di e yee nowu, ọnị ộ wụ́. Dị ọnị rẹ yẹ avaba ụya ẹnị ẹ yaa rị nị. Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Di Imosiisi re anggẹẹrị Ẹnẹyịmavara nị. Vị ọ sị mẹẹ anka ịra avọọ nị. Dị ahịka vị ọ vana aa za ịnị ọchị oweyi ọnya aanị nị. Imosiisi mè re e, o si hị́ ọ eyi. Ô re ka ịra aa za ịnị ọchị, ama ọchị ọnọọ ọ yị rị ịra.

Dị ọ ka ọnị aa tụ́ Imosiisi nee tù Ihwarawo dị ọ̀ na kụ́ Anisirẹrị aza anị hụrẹ Ijipiti.