Oblíbené biblické verše z Ịdanịyẹrị 6

Sdílet

Ịjị Ịdanịyẹrị sị yẹ ka â maanị sị ọda mẹ dị o si hu aa nọ ini eehi anị nị. Ô tụ ịnị eehi, dị ọ nọ ịrẹsụ ọtụrọsa, dị ọ na ozokete aku anị nị. Ozokete ọnọọ vana va eyi ka oze Ijerusarẹmị. Dị o ku ẹtẹ, dị aa mẹ̀ aduwaa hi Ohomorihi anka ọ mẹẹ̄ vịdị yịị mẹ nị. Ụpẹ ẹẹta ọọ̄ mẹ̀ aduwa ịnị ẹkụhị nị.

Ọ kà, Ohomorihi ộ tụ anggẹẹrị anị va sị ịsa kú idu nịnị irenu ka asị ẹ zụ mẹ̀ ọnị ịrẹyị. Agụvị ka ộ yẹ ka ẹ yị nyị odivi ọnị ọnị mẹ, dị ẹ̀ yị rẹ nyị odivi ọnị ọnị mẹ hi ẹwụ ohinọyị nị.

Ọ kà, ọnị ộ mẹ̀ ẹ ọda ka ịnị avaba anẹkụra ọnị ọnị vị ohinọyị ẹ̀ sị ụbanyị yị Ohomorihi ọnị Ịdanịyẹrị aa hẹkẹ, dị ee hí angwa anị. Agụvị ka, ọnị ọ vị Ohomorihi ana yara pooro nị. Ọnị ọ rẹ vaa mẹ ịjọva pooro nị. Ẹ yị nyị ọza ene ve zụ vú ịjọva anị ọnịrị ụkata anị ẹtẹ. Ọ kà, Ohomorihi ọnọọ ọọ̄ dọ ọzaa há hụụnị avaba ịrẹyị odivi nị. Ọnị ọọ̄ mẹ̀ ịvọpa ọnịrị ịtọmatapa ẹbẹẹba ọnịrị ịnị ẹhẹ nị. Ọnị ọnọọ ọ dọ Ịdanịyẹrị há ka asị idu nịnị zụ wụ ọ nị.

Ịzẹyịza dị ohinọyị mẹ ọda, dị ẹ na sị Ịdanịyẹrị, dị e ne e ngụ ịnị ụsị idu nịnị nị. Dị ohinọyị kà a yị Ịdanịyẹrị ka, Ohomorihi anị ọnị ọ sị ịzẹyịza aa hẹkẹ ọ̀ va dọ ọ ha nị.