Oblíbené biblické verše z ULĪFAYI 26

Sdílet

N géē yɔ̄ mla aá. N géē wɛ Ɔwɔicō kú aá, aá kē í wɛ ācɛ ɔlɛ́ um.

n géē tū ɔwɔ wā ajɛ gé lɛ aá eko nōo cíkā ā. Cɛ́ɛ́ ka ajɛɛhɔ̄ kú aá kóō yá ɔdɛ̄hɔ̄, ka īkpɔ̄cí kú aá kéē gwá nɛ̄hi.

“Ɔ́dāŋ ka aá bá gē lɛ íne kú um tū, cɛ́ɛ́ kú aá yá aɔ́dā nɛ̄ n tū aá ukɔ́ lɛyíkwu ɔ̄ ā

N géē je ɛbɔ́ lɛ aá ipú ajɛ ā, nɛ̄ aá géē gbiyɔ̄lā nɛ̄ aá gáā yúúfi kú ɔ̄cɛ dúúmā otú ŋ́. N géē je aɛ́bɛ́ obɔ̄bí dóódu kú ajɛ ā kpó ŋmō. Aá kē gáā kpɛ́fú ŋ́.

N géē hɔ́ɔ́hā ce aá klla géē je ayí alɛwa lɛ aá. N géē lɛ okónu kú um, nɛ̄ n ce lɛ aá ā tū.

Ami wɛ Óndú ā, nōo wɛ Ɔwɔicō kú aá, nōo kpó aá bɛ̄cɛ ŋmá ajɛ kú Íjīpiti á, kú aá híī wɛ aɔ́fiyɛ ŋ́ má. Ɔfú nōo bī aá klá ajɛ abɔ́ɔ ā, n lɛ ɔ́ catāajɛ, cɛ́ɛ́ kú aá yāwu lɛ ɔkɔ kwicō gɛ̄mm.”

N géē yɔ̄ pī aá, ipú Áklɔ̄kpīihɔ kú um ā. Ń gáā pīyeyī kú um ŋmá ɛgiyí aá ŋ́.

Óndú ā kahíníī, “Aá híī ma aɛ́cí ámāŋ aójibó, ámāŋ aɔ́kpa kú ɛcɔ̄, ámāŋ ɛcɔ̄ ō gbā kwaajɛ kú aá gbā uwā ɛ̄gbā ŋ́. Ami ā wɛ Ɔwɔicō kú aá.

Ɔdɛ̄hɔ̄ kú aá géē nwuné nɛ̄hi, nōó géē jɛ̄ aá ipú iháyí dóódu. Aá klla géē je ɔdɛ̄hɔ̄ nɛ̄ncɛ̄ kú aá kpó bónū ŋmá ɔbá kú aá, kú ɛga kóō tá lɛ ɔdɛ̄hɔ̄ ɛ̄yīpɛ̄ kú aá.

Ācɛ ɛhɔ̄ kú aá lɔfú yá aólɛlā ofɛhɔ̄ kú aá lé glá. Anɔ́ɔ ācɛ ofɛhɔ̄ kú aá lɔfú yá ācɛ úlā ofu cɛ̄hɔ̄ lé glá.

Ɔdɛ̄hɔ̄ kú aá géē yá nwuné nɛ̄ɛ̄nɛ̄hi, nɛ̄ aá géē bá ī cē ɔdɛ̄hīcō nááná nɛ̄ eko nɛ̄ ācɛ ī kpó īkpō ufáyin le yá ā. Aá kē í yɔ̄ ī cē īkpō ufáyin, nááná nɛ̄ eko ō nyi ɔdɛ̄hīcō le yá ā. Aá géē lɛ odúúdú aɔ́dā dóódu nɛ̄ aá dɔɔ̄kā ō lé. Aá kē í lā ɛbɔ́ ɔlɛ́ aá.

Aá géē yá aólɛlā kú aá lé.

Aá géē lɛ ɛ̄cī usábāti kú um ā tū, aá klla í lɛ ojīlīmā ce Áklɔ̄kpīihɔ kú um. Ami wɛ Óndú ā, n-oo wɛ Ɔwɔicō kú aá á.