Oblíbené biblické verše z OHÚTU 27

Sdílet

Ɔwɔicō kóō ce ébú kú ɔkpāncō kú nū klá ajɛ ɛhɔ̄ kú uwɔ kóō le pīya ajɛ olɔhi! Kóō lɛ īkpō kú ɔdɛ̄hɔ̄ mɛ́mla ejé kpó gā uwɔ! Ká aéwo kéē wɛ ācocɛ̄hɔ̄ kú uwɔ, cɛ́ɛ́ ká ā wɛ ɔkpani ayínɛ́ uwɔ. Ayínɛ́ uwɔ kéē tú wāajɛ gā uwɔ. É géē tókónu lɛ ɔ̄cɛ dóódu nōo tókónu gā uwɔ. É géē hɔ́hā ce ɔ̄cɛ dóódu nōo hɔ́hā ce uwɔ ā.”

Ísɔ kahíníī, “Ɛ̄nyā wɛ igbɔɔ́mpa nōó pīya um tū yɔ̄ mɛ́ɛ̄ á. Ó yéyījii ŋ́, iyē kú nū lé ka Ujékɔ̄pu ŋ́ nɛɛ? Ó mīyɛ um ɔnyākwɔ́cɛ, anɔ́ɔ abālɔbányā, ó klla mīyɛ ɔhā kú um yɔ̄ á.” Anɔ́ɔ ó da ádā nū ɔ̄kā kahíníī, “Á lɛ ɔhā dúúmā nɛ̄ a gē hɛ́ ce um gɛ ŋ́ nɛɛ?”

Anɔ́ɔ Áyísīki ádā nū tóohi kahíníī, “Ébú dúú í gáā ŋmá ɔkpáncō wā ɛgiyí uwɔ ŋ́. Ajɛ kú uwɔ í gáā yá ɔdɛ̄hɔ̄ gā uwɔ ŋ́. A géē yēeyī o ŋmá lɛ ō kpɛ́fú tú ācɛ, cɛ́ɛ́ ká ā wu agbénú kú uwā. A géē cɛ̄ ɔyínɛ́ uwɔ ɛhɔ̄. Amáŋ eko nɛ̄ a tá ɛlā kú nū, a géē hɛ́ īyī uwɔ tá ŋmá abɔ̄ kú nū.”

Ísɔ da ádā nū kahíníī, “Á lɛ ɔhā ékpónú gɛɛ ŋ́ n̄, ádā um? Lɛ ɔhā hɛ́ ce um dúú, ádā um.” Anɔ́ɔ Ísɔ je ɔkɔ gicō gbɔɔ́ ō jikwū á.