Oblíbené biblické verše z OHÚTU 15

Sdílet

Ébram kwú ɔtū í kpóce Ɔwɔicō, ɔtū le he Ɔwɔicō, anɔ́ɔ ó mīyɛ ɔtū nɛ̄ Ébram kpóce ɔ́ ā ka ɔ́ɔ háyi kpaakpa tū anúɔ ɛɛ́ á.

Igbīhi ɛ̄nyā ā, Ébram mɛ́ɛbɛ, anɔ́ɔ ó pó ɔkɔ kú Ɔwɔicō wā í da ɔ́ kahíníī, “Ā yúúfi ŋ́, ami wɛ ɔ̄cɛ nōo gbō uwɔ á, n géē gbā ulé nɛ̄hi ga uwɔ.”

Óndú ā le ɔ́ bī gɛcɛ, anɔ́ɔ ó da ɔ́ kahíníī, “Má ɔkpáncō káā ká ā lɛ aínyílɔ́wɔ ā gba áluka. Ɔ́dāŋ ka a gbo uwá áluka glá.” Anɔ́ɔ ó klla da ɔ́ kahíníī, “Ɛ́gɔ́ɔmā nɛ̄ ācɛ ipɔ́ɔma kú uwɔ géē lɛwa lɛ á.”

Anɔ́ɔ ó pó abɔ̄ Ɔwɔicō yɔ̄ ī ka lɛ ɔ́ kahíníī, “Ɔfiyɛ ā í gáā wɛ ɔ̄cɛ o lúgwū kú uwɔ ŋ́. Ɔyínɔ̄nyīlɔ kú abɔ̄yī uwɔ gáā lúgwū kú uwɔ á.”

Anɔ́ɔ Óndú ā da Ébram kahíníī, “Le jé ka ācɛ ipɔ́ɔma kú uwɔ géē wɛ ugbɔga ajɛ kú éwɔhá. É géē wɛ aɔ́fiyɛ abɔ́ɔ, é géē lɛ ikpō da uwá ɛyí tāajɛ iháyí úlā

Amáŋ Ébram kahíníī, “Óndú, awɔ nōo wɛ Ɔwɔicō ā, ɔdí ɔhá nɛ̄ a kē í je gā nɛ̄ n kē lɛ ɔyí ŋ́ mā ā. Ɛlíyɛ́sa, nōo wɛ ɔ̄cɛ kú Udamáskɔ̄si ā kē gáā lúgwū um á.”

Ɛ̄cī ɔ́ɔmā ā, Ɔwɔicō lɛ okónu ce mla Ébram kahíníī, “N géē je ajɛ nyā lɛ ipɔ́ɔma kú uwɔ, gbɔɔ́ ŋmá ísu kú Íjīpiti ā jāā ga ísu nɛ̄hi kú Uyúfrētīisi

Ayááyí ɔ́mɛɛnɛ kú uwɔ géē cīgbīhi wā amānyā, eko kú ayááyí ɔ́mɛɛnɛ kú uwɔ ā. Ohígbū ka ń gáā nū ācɛ Ámɔ̄ri ŋmá ajɛ ā ŋ́ jāā gbéeko nɛ̄ íne nēé bīya lɛ nwuné nɛ̄hi cɛ́ɛ́ n lɛ italā yá uwā.”