Oblíbené biblické verše z OŌYƐBƐ̄CƐ 7

Sdílet

Óndú ā da Umósīsi kahíníī, “N géē je uwɔ yá bɛ̄ɛka Ɔwɔicō ā ɛgiyí Uféro. Árɔ̄ni ɔyínɛ́ uwɔ géē wɛ ɔ̄comɛ́ɛbɛ kú uwɔ á.

Amáŋ, N géē je ígbɔ́tū lɛ Uféro cɛ́ɛ́ ó gáā jāhɔ̄ lɛ aá ŋ́, nááná nɛ̄ n géē yá aɔ́dōtūfi ɛyɛ́ɛyɛ́yí ipú ajɛ kú Íjīpiti ā. Uféro í gáā jāhɔ̄ gā uwɔ ŋ́. Eko ɔ́ɔmā n géē yá ācɛ kú Íjīpiti italā nɛ̄ɛ̄nɛ̄hi, cɛ́ɛ́ n lɛ ācɛ kú Ísrɛ̄lu kpó bɛ̄cɛ ŋmá ajɛ ɔ́ɔmā.

Ācɛ kú Íjīpiti ā géē jé ka ami ɔ́ɔ wɛ Óndú á, eko nɛ̄ n lɛ abɔ̄ kú um nāndaa klá uwá, lɛ ācɛ kú Ísrɛ̄lu ā kpó bɛ̄cɛ ŋmá ipú uwā.

Uféro lɛ odúúdú ācɛ o jéeyī, ācogwɛ́bā mɛ́mla ācɛ ō yíimabɔ̄ kú ɔlɛ́ nū ā kpó hīīgwú. O ŋmá lɛ ɔdā kú imabɔ̄ kú uwā ā, é lɛ ɔdā ékpónú nɛ̄ Árɔ̄ni yá ā yá dúú. É le okwutɛ kú uwā tá fíyajɛ, anɔ́ɔ ó kwú pīya ɛgwā. Amáŋ, ɛgwā kú okwutɛ kú Árɔ̄ni ā, kwú ɛgwā kú okwutɛ kú uwā ú kpó mulɛ.

Ohígbū ɔ́ɔmā ā, Ágábáidu, Óndú ā ka a géē jé ɛdɔ kú ɔ̄cɛ nɛ̄ ó wɛ ā o ŋmá lɛ ɔdā nɛ̄ ó gáā yá ā. Mā ɔ̄, n géē lɛ okwutɛ nɛ̄ n bī abɔ̄ nyā fīyɛ̄ eyī kú ísu kú Unáyilu ā, ó kē í je pīya oyī.

“Eko nɛ̄ Uféro da aá ka, ‘Aá lɛ ɔdā idáagó yá ká n̄ jé ɔkwɛ̄yi kú ɛlā kú aá. ‘Da Árɔ̄ni kó ō lɛ okwutɛ kú nū tá fīyajɛ iyɔ̄bū Uféro, kóō lɛ pīya ɛgwā.” Anɔ́ɔ Umósīsi mɛ́mla Árɔ̄ni le yɛ tá iyɔ̄bū Uféro klla le ka ɛ́gɛ́nɛ̄ Óndú ā da uwá ā. Árɔ̄ni le okwutɛ kú nū tá fīyajɛ iyɔ̄bū Uféro mɛ́mla aígabɔ̄ kú ɔlɛ́ nū, anɔ́ɔ okwutɛ ā kwú pīya ɛgwā á.