Oblíbené biblické verše z OŌYƐBƐ̄CƐ 20

Sdílet

“Ami wɛ Óndú ā, Ɔwɔicō kú aá, nēe kpó aá bɛ̄cɛ ŋmá ajɛ kú Íjīpiti, ɛga nɛ̄ aá wɛ ɔfiyɛ ā. Aá gáā lɛ aɔ́wɔ ɔhá gwū um tá ŋ́.

Aá gáā yá ojibó dúúmā ɛ́gbla kú ɔdā nōo yɔ̄ ɔkpáncō ámāŋ ka ɛ̄nɛ̄ o yɔ̄ ipú ɛcɛ nyā ámāŋ ka ipú éŋkpɔ̄ lɛ iyī aá ŋ́. Aá gáā túkpɛɛ́ lɛ uwá, ɛ́ɛ́ nɛ̄ aá gē gbā ūwā ɛ̄gbā ŋ́. Ohígbū ka ami nōo wɛ Óndú ā, Ɔwɔicō kú aá ā gé yɔ́bɔ́nyā. N gē yá ācɛ nɛ̄ wɔ́tū um ā italā, klla gē yá ayááyí uwā ga ayááyí ɔ́mɛtá, ga ayááyí ɔ́mɛɛnɛ italā.

Aá lɛ ojīlīma ce ádā aá mɛ́mla ɛ́nɛ́ aá, cɛ́ɛ́ kú aá yēeyī līgbō ipú ajɛ nɛ̄ n yɔ̄ ī je lɛ aá ā.

Aá lɛ ɛ̄cī Usábáti ā tū, cɛ́ɛ́ kú aá lɛ ɔ́ yá tīihɔ.

“Aá híī bī iyē kú um hijā ŋ́. Ohígbū ka ami, Óndú ā, Ɔwɔicō kú aá, géē yá ɔ̄cɛ dúúmā nōo bī iyē kú um hijā ā italā.

Aá lɛ ɛ̄cī ɛhīlī nɛ̄ aá géē bī le yúklɔ́ kú aá Amáŋ, ɛ̄cī ɔmahāapa ā wɛ ɛ̄cī ōmlɛ́nyɔ́ kú um. Ɛ̄cī ɔ́ɔmā, ācɛ dúúmā í gaá yúklɔ́ dúúmā ŋ́, ó kōō wɛ ayípɛ̄ ɔlɛ́ aá, ámāŋ ka aɔ́fiyɛ kú aá mɛ́mla aɛ́bɛ́ kú aá, ámāŋ ka aílɔ́wá nēe lā ipú ajɛ kú aá.

Aá híī yúnwū kú ɔlɛ́ ɔ́mpa aá ŋ́. Aá híī yúnwū kú ɔnyā nū ŋ́, aɔ́fiyɛ kú nū, aɛ́na kú nū, aíjakī kú nū ámāŋ ka ɔdā dóódu nōo wɛ ákú nūŋ́.

Aá híī cɛ̄ ijáalí ɛ̄kɛ̄mgbɛ̄ tū ɔ́mpā aá ŋ́.

Aá híī cikpó ɔ̄cɛnyā nɛ̄ ó wɛ ɔnyā uwɔ ámāŋ́ gbo mla ɔ̄cɛnyīlɔ dúúmā nɛ̄ ó wɛ ɔbá uwɔ ŋ́ nɛɛ ŋ́.

Aá híī ŋmó ɔ̄cɛ ŋ́.

Aá híī wūūwī ŋ́.