Oblíbené biblické verše z रोमि 11

Sdílet

थेआङ्‌भे़ल्‍ले़ खुने़ॽलाम्‍बा काक् पाःन्‍हाॽग ताःॽ, खुने़ॽ कुमुक्‍साम्‍मिल्‍ले़ काक् पाःन्‍हाॽ पोःक्‍खे़आङ् वाॽ, हे़क्‍क्‍याङ् काक् पोःक्‍खे़बा पाःन्‍हाॽ खुने़ॽ कुलागिए पोःक्‍खे़आङ् वाॽरो॥ सदादिङ् सदादिङ् खुने़ॽ कुमिमिदिङ् पोङ्‌लरो! आमे़न्॥

आक्‍को हो! निङ्‌वाॽफुमाङ्‌ङिल्‍ले़ कुसिक्‍कुम् निङ्‌वाॽइन् नु कुने़हिनिङ्‌वाॽइन् आक्‍खे़न् इमे़ल्‍लुङ्‌बा नु निङ्‌वाॽ के़माबाबे! खुने़ॽ कुघासे़न्‍निन् नु कुलाम्‍मिन् कुसिङ् निःप्‍माए सुक्‍मे़दे़त्तिन्‍लो!

“दाङ्‌बाल्‍ले़ कुनिङ्‌वाॽइन् हाःत्‍ले़ निसुआङ् वाॽबे? हे़क्‍क्‍याङ् हात् खुने़ॽ सुजा के़बिबा पोःक्‍खे़आङ् वाॽबे?”

हे़क्‍केलॽरिक्‍के, कन् ये़म्‍मोआङ् निङ्‌वाॽफुमाङ्‌ङिल्‍ले़ कुलुङ्‌माॽ तुक्‍माल्‍ले़ सेगुसिबा कुलक्‍थिक् के़दाङ्‌बा के़याःक्‍पाहाॽ मे़वाॽरो॥ हे़क्‍क्‍याङ् कङ्‌ग खे़ङ्‌हाॽरे़ मे़जोगुबा याःम्‍बक्‍लाम् मेःन्, कर निङ्‌वाॽफुमाङ्‌ङिल्‍ले़ कुलुङ्‌माॽ तुक्‍मालाम् पोःक्‍खे़बारो॥ खुनिॽ याःम्‍बक्‍लाम् पोःक्‍खे़बाने़ फाॽग्र निङ्‌वाॽफुमाङ्‌ङिल्‍ले़ कुलुङ्‌माॽ तुक्‍मान् थेनाधे पोःक्‍खे़बारो॥

कुभा यहुदिहाॽग नुबा जैतुन सिङ्‌बुङ्‌लाम् मे़जे़प्‍तुआङ् लाप्‍मे़भुसुबा सिङ्‌बोराक् कुइसिक् मे़जोक्॥ हे़क्‍क्‍याङ् खिनिॽ थिम्‍मे़न्‍दङ् सुवाङ्‌हाॽ ताम्‍भुङ् जैतुन सिङ्‌बोराक् हे़क्‍के के़जोगिसाङ् नुबा जैतुन सिङ्‌बुङ्‌मोलाम् थुम् नु हिङ्‌मन् खोमा फाॽआङ् खुनिॽ ले़क्‌वा खिनिॽ के़जक्‍कासिआङ् के़वयिॽरो॥ खे़न् मे़जे़प्‍तुआङ् लाप्‍मे़भुसुबा सिङ्‌बोराःक्‍हाॽनुःल्‍ले़ आनिगे नुबा चोगिगे़ फाॽआङ् आङ्‌दिङ् मे़लॽरे़म्‍मिम्‍ने़ॽओ, थेआङ्‌भे़ल्‍ले़ खिनिॽ कुसाःप्‍पिन् के़न्‍धरुम्‍मिन्, कर कुसाःप्‍पिल्‍ले़ने़ खिनिॽ के़धरिआङ् वाॽ के़लॽबान् निङ्‌वाॽ इःत्ते़म्‍मे़ॽओ॥