Oblíbené biblické verše z ᒐᓂᓯᔅ 1

Sdílet

ᒋᓴᒪᓂᑐᐤ ᒂ ᐃᔅᒋᔄᑦ, “ᐊᓄᒡ ᐃᔪᒡ ᒋᑭ ᐅᓴᓄᐅᒡ, ᑭᔭ ᒧᔭᒻ ᐊᓯᓇᑯᓱᐛᐧᒄ ᒋᑭ ᐃᓯᓇᑯᓱᐅᒡ᙮ ᒋᑭ ᒥᔭᓄᐅᒡ ᒐᒋ ᑎᐸᔨᒪᒡ ᓂᒪᓴ, ᐱᔭᓱᐛ, ᑭᔭ ᒥᓯᐛ ᐊᐛᓯᓴ᙮” ᐊᑯ ᒋᓴᒪᓂᑐᐤ ᒂ ᐅᓯᐊᑦ ᓇᐸᐛ ᑭᔭ ᐃᔎᐛ ᒐᒋ ᐃᓯᓇᑯᓯᔨᒋ ᒧᔭᒻ ᐎᔾ ᐊᓯᓇᑯᔅᑦ᙮

ᒋᓴᒪᓂᑐᐤ ᒋ ᒥᔭᐤ ᐅᓱᐛᔨᒋᒐᐅᓐ ᑭᔭ ᒂ ᐃᑕᑦ, “ᒐ ᒥᒐᑥᐊᑯᒡ ᐊᐛᓯᒡ, ᒐᒋ ᒥᒐᑎᑦ ᐃᔪᐤ ᐅᑕ ᐊᔅᐱᑎᔅᑭᒥᑲᒡ ᐊᔅᒋᒡ ᑭᔭ ᒋᔨᐛᐤ ᒐ ᑭᓄᐛᔨᑎᒪᒄ᙮ ᒋᔨᐛᐤ ᒋᑭ ᐅᒋᒪᐅᓇᐛᐤ ᐊᓐᒡ ᓂᒪᓯᒡ ᐊᓐᑕ ᓂᐱᒡ, ᐱᔭᓱᐅᒡ ᐊᓐᑕ ᒋᓯᑯᒡ ᑭᔭ ᒥᓯᐛ ᐊᐛᓯᓯᒡ ᐅᑕ ᐊᔅᒋᒡ᙮

ᓂᔅᑎᒻ ᒋᓴᒪᓂᑐᐤ ᒋ ᐅᓯᑕᐤ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮

ᓇᔅᒡ ᒋ ᐱᓯᒂᐤ ᐊᔅᒋᔾ ᑭᔭ ᓇᒪ ᒐᒂᓐ ᐅᒋ ᐃᓯᓇᑯᓐ, ᓂᐱᔾ ᒥᒄ ᒋ ᑎᑯᓐ ᑭᔭ ᓇᔅᒡ ᒋ ᐅᑲᔅᑕᔭᐤ᙮ ᒋᓴᒪᓂᑐᐤ ᐅᑦ ᐊᒐᒂ ᒋ ᑕᔪᐛ᙮

ᒋᓴᒪᓂᑐᐤ ᒂ ᐃᔅᒋᔄᑦ, “ᓂᑐᐛᔨᑕᓐ ᒐᒋ ᒋᐧᑲᔭᔅᑐᐛᒡ ᐛᔅᑕᐅᓐ !” ᒂ ᒋᐧᑲᔭᔅᑐᐛᒡ ᐛᔅᑕᐅᓐ᙮

ᒋᓴᒪᓂᑐᐤ ᒋ ᒋᑕᐸᑎᒻ ᐊᓂᔭ ᒐᒂᔪᐤ ᑲ ᐃᑐᑕᐧᒃ, ᒥᓯᐛ ᓇᔅᒡ ᒋ ᒥᔽᓯᔪᐤ᙮ ᒂ ᐅᑕᑯᓯᒡ ᑭᔭ ᒂ ᒐᒋᓴᐸᔭᒡ, ᐊᐅᑯᓐ ᐊᓱᑕᒡ ᑕᑥᐤ ᐊ ᒋᓯᑲᒡ᙮

ᒋᓴᒪᓂᑐᐤ ᒋ ᒋᑕᐸᑎᒻ ᐛᔅᑕᐅᓂᔪᐤ ᐊᒋ ᒥᔽᔨᒡ, ᑭᔭ ᒋ ᑎᐸᓂᒻ ᐛᔅᑕᐅᓂᔪᐤ ᑭᔭ ᐊ ᐅᑲᔅᑕᔭᔨᒡ᙮

ᐛᐸᑎᒧᒄ, ᒋ ᒥᔨᑎᓇᐛᐤ ᓂᑕᐅᒋᑕᑭᓐ ᒥᓯᐛ ᐅᑕ ᐊᔅᒋᒡ, ᑭᔭ ᒥᓯᐛ ᑕᑐᐤ ᒥᔅᑎᑯᒡ ᑲ ᓂᑕᐅᒋᑕᑦ ᒥᓂᓴ ᒐ ᐅᒥᒋᒥᔭᒄ

ᒋᓴᒪᓂᑐᐤ ᒋ ᐃᓯᓂᐧᑲᑎᒻ ᐛᔅᑕᐅᓂᔪᐤ, “ᒋᓯᑲᐤ,” ᑭᔭ ᒋ ᐃᓯᓂᐧᑲᑎᒻ ᐊ ᐅᑲᔅᑕᔭᔨᒡ, “ᑎᐱᔅᑲᐤ᙮” ᒂ ᐅᑕᑯᓯᒡ ᑭᔭ ᒂ ᒐᒋᓴᐸᔭᒡ, ᐊᐅᑯᓐ ᓂᔅᑎᒻ ᐊ ᒋᓯᑲᒡ᙮

ᒋᓴᒪᓂᑐᐤ ᒂ ᐃᔅᒋᔄᑦ, “ᓂᑐᐛᔨᑕᓐ ᒋᓯᑯᔭᓐ ᒐᒋ ᐸᒋ ᒧᔅᒋᐱᔨᒡ ᐊᓐᑕ ᓂᐱᒡ ᒐᒋ ᑎᐸᓇᑭᓄᐅᒡ ᐃᔅᐱᒥᒡ ᓂᐱᔾ ᑭᔭ ᓂᑕᒡ ᓂᐱᔾ᙮”

ᑭᔭ ᓂᒋ ᒥᔭᐅᒡ ᐊᐛᓯᓯᒡ ᑭᔭ ᐱᔭᓱᐅᒡ ᒥᓯᐛ ᒥᔅᑯᓱᐛ ᑭᔭ ᓂᑕᐅᒋᑕᑭᓇ ᒐ ᐅᒥᒋᒥᑕᒡ᙮” ᐊᐅᑯᓐ ᑲ ᐃᔅᐱᔨᒡ᙮

ᒋᓴᒪᓂᑐᐤ ᒂ ᐃᔅᒋᔄᑦ, “ᓂᑐᐛᔨᑕᓐ ᐛᔅᑕᐅᓇ ᐊᓐᑕ ᒋᓯᑯᒡ ᒐ ᑎᐸᓇᐱᔨᒡ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᒐᒋ ᒋᔅᒐᔨᑕᒂᒋ ᒋᓯᒂ ᑭᔭ ᐱᐳᓇ᙮

ᐊᑯ ᒋᓴᒪᓂᑐᐤ ᒂ ᐃᔅᒋᔄᑦ, “ᓂᑐᐛᔨᑕᓐ ᒐᒋ ᓂᑕᐅᒋᒋ ᒥᓯᐛ ᑕᑐᐎᒡ ᐊ ᐃᓯᓇᒂᒋ ᓂᑕᐅᒋᑕᑭᓇ, ᐊᓂᔭ ᓇᑕᐅᒋᑕᒥᑲᒋ ᐸᒂᓯᑭᓂᒥᓇ ᑭᔭ ᐊᓂᔭ ᓇᑕᐅᒋᑕᒥᑲᒋ ᒥᓂᓴ᙮” ᐊᐅᑯᓐ ᒂ ᐃᓯᓇᑯᓂᔨᒡ᙮

ᐊᐅᑯᓐ ᒂ ᐃᓯᓇᑯᓂᔨᒡ᙮ ᒋᓴᒪᓂᑐᐤ ᒂ ᐅᓯᐊᑦ ᒋᓯᑯᔭᓇ

ᒥᓯᐛ ᑕᑐᐎᒡ ᐊ ᐃᓯᓇᒂᒋ ᓂᑕᐅᒋᑕᑭᓇ ᒋ ᓂᑕᐅᒋᓇ ᐅᑕ ᐊᔅᒋᒡ᙮ ᒋᓴᒪᓂᑐᐤ ᒋ ᒋᑕᐸᑎᒻ ᐊᓂᔭ ᒐᒂᔪᐤ ᑲ ᐃᑐᑕᐧᒃ ᑭᔭ ᒋ ᒥᔽᔪᐤ᙮

ᒪᒃ ᒋᓴᒪᓂᑐᐤ ᒋ ᐅᓯᐊᐤ ᒋᓯᑲᐤ ᐱᓯᒺ ᑭᔭ ᑎᐱᔅᑲᐤ ᐱᓯᒺ᙮ ᒋ ᐅᓯᐊᐤ ᒋᓯᑲᐤ ᐱᓯᒺ, ᐊᑎᑐᐤ ᒥᓯᑐᐤ ᐃᔅᐱᔅ ᑎᐱᔅᑲᐤ ᐱᓯᒺ, ᒐᒋ ᐛᔅᑐᐛᑦ ᒐᓯᑲᔨᒋ, ᒋ ᐅᓯᐊᐤ ᐃᔭᐱᒡ ᑎᐱᔅᑲᐤ ᐱᓯᒺ᙮ ᐊᑎᑐᐤ ᐊᐱᓯᓯᓱᐤ ᐃᔅᐱᔅ ᒋᓯᑲᐤ ᐱᓯᒺ, ᒐᒋ ᐛᔅᑐᐛᑦ ᑕᐱᔅᑲᔨᒋ᙮ ᐅᒐᑭᑕᒂ ᐃᔭᐱᒡ ᒋ ᐅᓯᐊᐤ᙮

ᒋᓴᒪᓂᑐᐤ ᒂ ᐃᔅᒋᔄᑦ, “ᓂᑐᐛᔨᑕᓐ ᓂᐱᔾ ᓯᐸ ᒋᓯᑯᒡ ᒐᒋ ᒪᒧᐱᔨᒡ, ᐊᑯ ᒐᒋ ᑎᒂᒡ ᐊ ᐸᒂᔅᑭᒥᑲᒡ᙮” ᐊᐅᑯᓐ ᒂ ᐃᓯᓇᑯᓂᔨᒡ᙮ “ᐊᔅᒋᔾ” ᒋ ᐃᓯᓂᐧᑲᑎᒻ ᒋᓴᒪᓂᑐᐤ ᐊ ᐸᒂᔅᑭᒥᑲᔨᒡ, ᑭᔭ “ᐎᓂᐸᒄ” ᒋ ᐃᓯᓂᐧᑲᑎᒻ ᓂᐱᔪᐤ᙮ ᒋᓴᒪᓂᑐᐤ ᒋ ᒋᑕᐸᑎᒻ ᐊᓂᔭ ᒐᒂᔪᐤ ᑲ ᐃᑐᑕᐧᒃ, ᑭᔭ ᒋ ᒥᔽᔪᐤ᙮

ᐊᑯ ᒋᓴᒪᓂᑐᐤ ᒂ ᒥᔭᑦ ᐱᒪᑎᓯᐤ ᐊᐛᓯᓴ ᐅᓱᐛᔨᒋᒐᐅᓐ, ᒂ ᐃᑕᑦ ᐎᓂᐸᑯᒡ ᐊᐛᓯᓴ ᒐᒋ ᑕᔨᒋ ᐊᓐᑕ ᒥᓯᐛ ᐊᔅᐱᓴᔨᒡ ᐎᓂᐸᑯᔪᐤ ᑭᔭ ᐱᔭᓱᐛ ᒐᒋ ᑕᔨᒋ ᐊᓐᑕ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ᙮

ᒋᓴᒪᓂᑐᐤ ᒂ ᐃᔅᒋᔄᑦ, “ᓂᑐᐛᔨᒪᐅᒡ ᒥᓯᐛ ᑕᑐᐎᒡ ᐊ ᐃᓯᓇᑯᓯᒡ ᐊᐛᓯᓯᒡ ᒐᒋ ᑕᒡ ᐅᑕ ᐊᔅᒋᒡ᙮” ᑭᔭ ᐊᐅᑯᓐ ᒂ ᐃᔅᐱᔨᒡ᙮

ᒋᓴᒪᓂᑐᐤ ᒂ ᐃᔅᒋᔄᑦ, “ᓂᑐᐛᔨᑕᓐ ᐎᓂᐸᑯᒡ ᒐᒋ ᓴᑭᔅᒋᓇᒡ ᐱᒪᑎᓯᐤ ᐊᐛᓯᓯᒡ, ᓂᑐᐛᔨᒪᐅᒡ ᑭᔭ ᐱᔭᓱᐅᒡ ᒐᒋ ᐱᐸᒥᔭᒡ ᐊᓐᑕ ᒋᓯᑯᒡ᙮”

ᒋᓴᒪᓂᑐᐤ ᒥᓯᐛ ᒋ ᐅᓯᐊᐤ ᐊᐛᓯᓴ᙮ ᐊᑯ ᑲ ᒋᑕᐸᑕᐧᒃ ᐊᓂᔭ ᒐᒂᔪᐤ ᑲ ᐃᑐᑕᐧᒃ, ᑭᔭ ᒋ ᒥᔽᔪᐤ᙮