Oblíbené biblické verše z PIENCILNA 37

Sdílet

Joseph in khatvei mang khat a man a, a sanggamte kungah a mang a va gen taleh ama a muda semsem uhi.

Tu-in Israel in a teh zaw-a a nei tapa ahi ziehin a tapa dang teng sangin Joseph a itzaw a, ama ading puontuol bansau khat a khuipieh hi.

Ahi vangin a pa un a sanggam zosie teng sangin Joseph a it zawh lam a thei bepun ama a muda vua, hoitahin zong a hopi thei va-ia sih uhi.

Ama in mang adang khat mankia a, tuale ama’n zong a sanggamte kungah tua a mang a gen a, “En un, mang adang khat ka man hi. Ka mai-ah ni, hla, le aasi sawm le khatte a kun uhi,” a ci hi.

Tuaci’n a sanggamte in ama a haza vua, ahi vangin a pa in a lungsim sungah tam thu a ciemte hi.

Ama in a kung vuah, “Tam ka mang mat ngai un: Eite in lolai-ah buphai i lomhen vua, tuale thakhatin ka buphai ang tho-in ang ding tang hi; tua ciengin tua kimah na buphaite uh ang kikhawm a, ka buphai mai-ah a kun uhi,” a ci hi.

Tu-in hing pei un, ama thatin dum sung khatah khiesuh vai; tua ciengin gamsa khat in ama valtum ta ci vai-in, a mangmatte bang ang suoh ngel ei en phot vei,” a kici uhi.

Midian sumbawlte in a nawh uh ciengin amate in Joseph kaito-in dum sung panin a domto vua, Ishmael mite kungah ngun shekel sawmni tawh a zua uhi. Tuale amate in Egypt gamah Joseph a peipi uhi.

“Tanah mangman pa hing pei ta ei,” ci-in khatlekhat a kiho uhi.

Amate in a gamlapi panin ama a galmu vua, ama kung a tun masangun ama tha na sawm uhi.

Amate khut sung panin ama hunkhie-in a pa kungah tunpikia thei kha leng ci a ngaisutna tawh Reuben in a kung vuah, “Sisan suohsah sih un. Senel gama tami dum sungah ama khie unlen, ahi vangin ama tungah bangma na khut nga sih un,” a ci hi.