Oblíbené biblické verše z Kalangan 103

Sdílet

Aho', pudjiku PANGHŪꞋ min deyom pangatayanku, mbal takalipat kamemon kahāpan ya bay pamuwanna.

Sabab iya ya angampun kamemon paldusahanbi. Iya ya amauli' kamemon sakibi. Iya isāb angal'kkat kallumbi min lahat kamatayan. Iya isab amalipatan ka'am lasa maka ase'. Iya ya amuwanan ka'am ginisan kahāpan ya makahāp palasahanbi, angkan tabawi' bay kosog kabata'bi. Sapantun kam belle' ya mbal ata'u binale'.

Pudjiku si Yawe min deyom pangatayanku. Pudjiku ōnna sussi min palnyawahanku maka min kuwat-anggauta'ku.

Aheya ase' ma sasuku magmatāw ma iya, buwat ka'ase' matto'a ma panganakna.

Pinalawak e'na paldusahantam, buwat lawak sobangan maka s'ddopan.

Patiase'un maka patilasahun asal PANGHŪꞋ-Yawe, mbal akagit atayna magdai'-dai', gom pa'in palabi lasana tuman.

Mbal kita pinat'nna'an kabinasahan ya makatōpan dusata. Mbal kita tinungbasan e'na ma buwat hinangta ala'at. Sabab-kalna', landu' aheya lasana ma sasuku magmatāwan iya. Mbal tabista kaheya lasana itu, buwat diyata' langit mbal tabista langkawna min babaw dunya.

Pinatuman e' si Yawe pagparintana ma sulga' ati magtuhan iya ma papanjarihanna kamemon.