Oblíbené biblické verše z Aroma 10

Sdílet

Mana wayi'ki'tya kwo longela pankano wako panga, “Yesu nga Bwana,” no u'bi'lya pamwoyo wako panga Nnu'ngu' aannyu'yite bu'ka kumambi', walu'a kosopolelwa.

Mwanjaa, kwa mwoyo mundu endau'bi'lya no balangilwa aki, kai' kwa nkano endalongela no yi'ki'tya, na kwa nyo pata ukosopoli.

Kwa nyo imani ipatikana kwo yu'wa Abali Inannoga. Na bandu baiyu'wa Abali Inannoga pansimu waala mundu bu'kana na Kilisitu.

Kati mwagabaya Maandiko Mapeleteu, “Mundu ywoywoti ywaalu'a kumwu'bi'lya katu aaisikali.” Bai, ntu'pu' ubauli kati ya Ayahudi na bangali Ayahudi, mwanjaa ywembe nga Bwana wa boti, na nnogau kwa bandu boti babannu'ba. Kwa mwanjaa, “Kila mundu ywankema Bwana li'nga yangatiyilwa aalu'a kosopolelwa.”

Na balu'a ala buli mana banatumilwali? Kati mwagabaya Maandiko Mapeleteu, “Lola, mwagagolwike magu'lu' gabe balu' babaala Abali Inannoga.”

Bai, balu'a kunkema buli yu'lu' ywabakotwike kumwu'bi'lya? Kai' balu'a kumwu'bi'lya buli manaitei banaiyu'wali abali yake? Na balu'a kwiyu'wa buli abali yake manaitei ntu'pu' ywa kwaalya?

Salya yaaikite kuundi'la yake palu' Kilisitu paayomoli mabinio gake. Nambi'yambi' kila ywamwu'bi'lya abalangilwa aki nnu'ngi' ya Nnu'ngu'.