Oblíbené biblické verše z maluko 2

Sdílet

isi talʉi to iesu, cu yainca: <'omo yoayokeo ci cou o'ate poa baito to leaotothomʉ, 'ai'o lac'o tma'congo ci cou 'ola poa baito. na te'o atuhca hioa ho mi'o cmʉ'ho o'ate'o eyoho'a namo ʉmnʉ ci cou, 'ai'o moeno kuici cou 'o te'o eoho'a.>

isi aiti to iesu 'o singkoohe tamo maica ci cou, cu mi'usni 'omo tma'congo no meaupsu'hu ho yainca: <oko, isicu peteongasa na kuisisu.>

isicu yainca to iesu: <'e 'ansokunici maisi p'eac'eni ta cou; 'e cou o'a mo nomio no 'ansokunici ho poa yayoa.

maica homo angu botngonʉ 'o cou, o'a ihe peelʉi ngoe'uni to tuhcu to iesu. cu eh'ʉti 'o sofʉ to tuhcu to isi yoni to iesu, a'upa 'o sospoya tomo tma'congo ho pehtupeoha.

te'o mi'usnu muu ho soomei. 'e okocou mo yaa tonʉ no meteongaso no kuisi homo yonta ceoa.> isicu mi'usni 'omo meaupsu'hu ci cou ho yainca: <te'o cucufni suu, yʉc'ʉ, hafa si hoposu hocu maine'e!>

hoci mi'usni 'emo tma'congo ho yainca <<cu peteongasa na kuisisu>> hocieno yainca <<yʉc'ʉ, yaasi sospoyasu hocu e'ohʉ>> nenusi nate sonʉhe?

micu yʉc'ʉ 'o ic'o, osnia yaa 'o sospoyasi, yonto ihe toehunga huceoevi hocu emoyafo. mo acʉhʉ na'no yamci, tohmomoengʉ to hamo ho mainca: <o'amocu momzala ahtu baito tamo maica ci hi'hioa!>