Oblíbené biblické verše z Лука 6

Sdílet

Бергиле, ошондо силерге да берилет: марттык менен салынган, ныктап толтурулган, ыкшалган, ашып-ташкан өлчөмдө алдыңарга төгүлөт. Кандай ченем менен өлчөп берсеңер, силерге да ошондой ченем менен өлчөнүп берилет.

Анын сыңары, жакшы адам дилиндеги жакшы казынасынан жакшылыкты берет, жаман адам жаман казынасынан жамандыкты берет. Адамдын дили эмнеге толуп-ташыса, ошол тилине чыгат.

А силер душманыңарды сүйгүлө, жакшылык кылгыла, кайра алам деп үмүттөнбөстөн бергиле. Ошондо сыйлыгыңар чоң болот жана Кудай Тааланын балдары болосуңар, анткени Ал жакшылыкты билбегендерге да, кара ниеттерге да бирдей мээримдүү.

Силер асмандагы Атаңардай боорукер болгула.

Өзгөлөрдү айыптабагыла, ошондо өзүңөр да айыпталбайсыңар, өкүм чыгарбагыла, ошондо өзүңөргө да өкүм чыгарылбайт, кечиргиле, ошондо өзүңөр да кечирилесиңер.

Бирок Мени угуп турган, калайык, сага айтам: Душманыңды сүйгүнүң, Сени жаман көргөнгө, Жакшылык кылгының. Каргаганды алкагын, Кордогон адам үчүн сыйын

Өзгөлөрдөн кандай мамилени күтсөң, өзүң да аларга ошондой мамиле кыл.

Бир жаагыңа чапканга Экинчисин тосуп бер, Тонуңду сыйрып жатканга Көйнөгүңдү кошуп бер. Ким сураса, бергиниң, Кайра андан доолаба.

Жакшы дарак начар жемиш бербейт, ошондой эле начар дарак жакшы жемиш бербейт.

Ар дарак жемишинен билинет. Тикенектен анжир, бадалдан жүзүм теришпейт да, туурабы?