Oblíbené biblické verše z Жашыя 7

Sdílet

– Ысрайыл эли күнөө кылды. Мен сакта деп буйруган келишимди бузду. Садага чабылган нерселерден уурдап, куулук кылып, өз буюмдарынын арасына катып койду.

Эми, ордуңдан тур да, элди тазалап-ыйыкта. Аларга: «Эртеңки күнгө тазаланып-ыйыкталгыла. Анткени Жараткан Эге, Ысрайылдын Кудайы: „Кудайга садага чабылган нерсе Ысрайыл элинин арасында турат. Садага чабылган нерсени араңардан жок кылмайынча жоого каршы тура албайсыңар“ деп жатат» дегин.

Ошондуктан Ысрайыл эли жоого каршы тура албай, душманына артын салып качты. Анткени алар өздөрү да садага чабылып калышты. Эгерде эл ичиндеги садага чабылган нерсени жок кылбасаңар, мындан ары Мен силерди колдой албаймын.