Oblíbené biblické verše z Marcos 14

Sdílet

Tat, aya Nman, tkyaqil jaku b'ant tu'na; q'i'mela k'ixk'oj lu wi'je tu'n mi'n tik'x wu'ne; ex mya tu'n tb'ant aju wajb'ile, noq o'kx tu'n tb'ant aju tajb'ila, chi Jesús.

Che xq'uqine ex che na'ne Dios tu'ntzun mi'n kyoke tuj joyb'il kyi'je. Ax tok tajb'il kyanmiye, atzunju kychib'jale minti' tipun.

Ax tok kxel nma'ne kyeye, tuj tkyaqil lugar jatum kxel pakb'et tqanil kolb'il tuj tkyaqil twitz tx'otx', ax ikx kxel q'met aju ma tb'incha xu'j lu, te nab'l te.

ex xi tma'n kye: —Ma tzajxix b'is tuj wanmiye, chin kymele tu'n b'is; che tenkje tzalu ex che xq'uqine, chi Jesús.

Kukxtoq kywa'n, jaw ttzyu'n Jesús ju pan, xi tq'o'n chjonte te Dios, kub' tpiẍk'u'n, xi tq'o'n kye ex xi tma'n: —Kywa'nxe jlu, atzun nximlale jlu.

Ax ikx jaw ttzyu'n ju vas, xi tq'o'n chjonte te Dios ex xi tq'o'n kye; kykyaqiltzun e k'an ti'j. Ex xi tma'n kye: —Atzun nchk'ele jlu te kyuwsab'l teju ak'aj yol aju ma kyaj b'ant ti'j tu'n Dios kyuk'ile; atzun nchk'ele k'elel chitj tu'n kyklet nimku xjal.

Xitzun tma'n Jesús kye: —Kykyaqile che kyjel kolinte weye tuj qonik'an ja'lo; porke in tma'n tuj Tu'jil: Kb'el nb'yo'ne ju pastor, ex che elel sputj qe ẍne'l.

Che we'ktze, qo'qe; lu ma tzul laq'e' aju kxel q'onte weye tuj kyq'ab' xjal, chi Jesús kye.

Xi tma'n Jesús te: —Ax tok kxel nma'ne teya, teju qonik'an ja'lo, na'nxtoq ttzaj oq' tkab'maji'n tzek', ox maj kb'el tewana kywitz xjal qa minti' ojtzqi'n qine tu'na.