Oblíbené biblické verše z ÉXODO 16

Sdílet

Sapxarakïnwa: —¡Tatitux Egipton jiwarayistasapän ukax walïsapänwa! Khayansti aychan phukhunak jak'aruw qunt'asïyätan, t'ant'sa sist'asiñkamaw manq'asïyätan, ukampisa, jumanakax taqinir manq'at jiwarayiriw aka wasarar irpanipxistaxa —sasa. Ukat Tatitux Moisesar säna: —Nayax alaxpachat t'ant'a jalluyanï, jaqinakax sapüruw apthapisipxani, qawqhatix uka urutak wakiski ukhamarjama. Ukhamat nayax uñjä arunakaxar jaysirïpxatapsa, jan jaysirïpxatapsa.

Uka wasaran taqpach israelitanakax Moisesampitaki, Aaronampitak tuqisipxäna.

Moisesasti saskakïnwa: —Jayp'thapiruw Tatitux manq'añatak aycha churapxätam, willjtarusti walja t'ant'a churapxarakïtam, sist'asiñkamaw manq'apxäta. Jupax jumanakan arusitanakam ist'iwa, ¿kunatarak nanakatak arusipxtasti? Janiw jumanakax nanakatak arusipktati jan ukasti Tatitutakiw tuqisipxtaxa —sasa.

—Nayax israelitanakan arusitanakap ist'twa. Jupanakamp parlam, akham sarakim: “Jayp'thapirux aycha manq'apxäta, willjtarusti sist'asiñkamaw t'ant'a manq'apxarakïta. Ukhamat jumanakax yatipxäta nayan jumanakan Tatit Diosamätaxa” —sasa.