Oblíbené biblické verše z เล​วี 26

Sdílet

เยีย อ๋อย เยียม เม่ย บัว บุด๋ง หย่า โหฒว เม่ย บัว เญย ทิน-ฮู่ง. เม่ย บัว หย่า อ๋อย โหฒว เยีย เญย แปะ ฝีง.

เยีย อ๋อย หฒิว ธุน-เธียว ปุน ลู่ง ตุ้ย บยู่ง. เดา ฯฒฯ ธ้วด แกง-หฒวัง. เปี๊ยว-เด่ย เญย เดี๋ยง หย่า อ๋อย เฒี่ยง เปี๊ยว.

“‘สี ก๊อง เม่ย บัว กัน หลง เยีย เญย หลี่ง, หมวัง หลง เยีย เญย เล์ย, หย่า เอย เจี๊ยน โหฒว

“‘เยีย อ๋อย ปุน วั้ว นอม เต่ย-ปูง ถาย-แป้ง. เม่ย บัว อ๋อย ตุ๊ เปว๋ย เหฌี่ย หย่า ไม้ ม่าย หาย เต้า ปุน เม่ย บัว กั้ม เหฑีย. เยีย อ๋อย ปุน วั้ว นอม เต่ย-ปูง เธี้ยว เญย เฮยี่ย ฒ่อย หฒุด เหฑ่ง. เม่ย บัว เญย เต่ย-ปูง หย่า ไม้ ม่าย เบ๊าะ จ๋า เญย สี่.

“‘เยีย อ๋อย จั๋ง เม่ย บัว, เหธย ฟุ ปุน เม่ย บัว ม่าย เฒ้ย-ฟุน หฮยาง เจี๊ยน ฝาว, หย่า อ๋อย เอย เจี๊ยน เยีย เหธา เม่ย บัว เหลียบ เจี์ย เญย แหง่ง หว่า.

เยีย เซ เฒี้ยว, เม่ย บัว เญย ทิน-ฮู่ง, ต้ง ต้อ เม่ย บัว ธ้วด อี​ยิบ เต่ย-ปูง ต้าย เหว่ย ปุน เม่ย บัว ไม้ หฒุ โหฒว อี​ยิบ เมี่ยน เญย โน่ว. เยีย ว้วด เน้า เม่ย บัว เญย เดี๋ยง-ก์า ปุน เม่ย บัว ตุ๊ โซ้ว หฒะ ต้าย ยั่ง เจ๊า.

เยีย อ๋อย เหลียบ เยีย เยียม เญย ต๋อง เยียม เม่ย บัว บุด๋ง. เยีย หย่า ไม้ ฑอง เม่ย บัว.

“‘เยียม เม่ย บัว เญย เต่ย-ปูง ไม้ ตู๋ง โหฒว หาย หญู่ง หมิ่ว-ฝัง ไฟ เหลียบ หาย หญู่ง เญย ฝัง เฒ้ย ไฟ หละเปย๊ย-เดี้ยว ไฟ หฒุ ต้าย เญย หละเปย๊ย เหว่ย กั้น เกว่ย เหฌี่ย ป๋าย. เยีย เซ เฒี้ยว, เม่ย บัว เญย ทิน-ฮู่ง.

เม่ย บัว หธ่อ หญั่น เจี๊ยน โล์-เบย้า, ฒู้ง อ๋อย หฒุ เฒาะ ธ้วด โล์ เญย เหว่ย ปุน ม่าย ต๋อง ตั๊บ เซียง เญย.

เม่ย บัว ปยา เต้า อ๋อย หฒุ่น เหยียด แป๊ะ เต้า. เหยียด แป๊ะ เต้า อ๋อย หฒุ่น เหยียด หว่าน เต้า. เม่ย บัว เญย วิน-วั้ง ฯฒฯ เยียม เม่ย บัว เญย วั้ว ด่าง แหมง หฒุ หฑุ ด๊าว ไต๋.

เบ๊าะ เบย้า ฯฒฯ ตุ๊ เบ๊าะ เถา แก๊ะ อะหงุ่น เปี๊ยว เญย เฒี่ยง โห่. แก๊ะ อะหงุ่น เปี๊ยว หย่า ตุ๊ แก๊ะ เถา แอ๋ง หฒวัง กะน้าย เญย เฒี่ยง โห่. เม่ย บัว ฯฒฯ ม่าย หญั่น ม่าย ฮบ เป๊ว. เม่ย บัว หย่า ตุ๊ แป้ง ออน เญย เยียม เม่ย บัว เญย เต่ย-ปูง.

เม่ย บัว อ๋อย หฒุ่น เม่ย บัว เญย วิน-วั้ง, นิ่น บัว ฯฒฯ เยียม เม่ย บัว เญย วั้ว ด่าง แหมง หฒุ หฑุ ด๊าว ไต๋.

“‘อ๋อย หฒุ กัน หลง เยีย เญย นอมๆ ตี้ง กง ฮนอย, หย่า อ๋อย หฒุ ท่าย เยีย เญย สีง ติ่น. เยีย เซ เฒี้ยว.