Oblíbené biblické verše z ЭхкъечӀун 20

Sdílet

«Зун, Ребби, ви Аллагь я, вун Мисридай, лукӀвиляй Акъудайди. Вахъ Залай гъейри маса аллагьар тахьурай.

Жуваз гъилералди раснавай икрам ийидай кӀалубар – вине цавара авай, агъада чилел алай, я тушни чилелай агъада це авай гьич са затӀунинни шикилар чӀугвамир. Абуруз я икрам, я къуллугъ ийимир, вучиз лагьайтӀа, Зун Ребби, ви Аллагь – гъайра Аллагь я. Зун кӀан тахьай бубайрин гунагьрай За абурун аялрив, хтулрив ва птулрив жаза агакьарда.

Реббиди, ви Аллагьди, ваз гузвай а чилел ви уьмуьр яргъал чӀугурди хьун патал бубадизни дидедиз гьуьрмет ая.

Киш – пак югъ тирди рикӀел хуьх.

Гьавайда Реббидин, ви Аллагьдин, тӀвар кьамир. Реббиди икӀ ийизвайдаз жаза тагана тадач.

Ругуд юкъуз кӀвалах ая, кардал машгъул хьухь, амма ирид лагьай югъ Киш я: ам Реббидинди, ви Аллагьдинди, я. И юкъуз гьич садани кӀвалахна жедач – я вуна, я ви хци, я ви руша, я ви лукӀра, я ви къаравушди, я ви малди, я масанай атана ви шегьерда ацукьнавайда.

Чарадан кӀвал кӀан жемир, чарадан паб, чарадан лукӀарни къаравушар, чарадан маларни ламар – чарадан са затӀни кӀан жемир».

Маса касдиз акси яз тапан шагьидвал ийимир.

Зинавал ийимир.

Яна рекьимир.

Чуьнуьх ийимир.