Oblíbené biblické verše z EXODO 20

Sdílet

“Ako mao ang GINOO nga inyong Dios nga nagkuha kaninyo gikan sa yuta sa Ehipto, gikan sa dapit sa kaulipnan. “Ayaw pagbaton ug lain nga mga dios sa akong atubangan.

“Ayaw pagbuhat alang kanimo ug usa ka larawan nga kinulit sama sa dagway sa bisan unsang butang nga atua sa langit sa itaas, o nga ania sa yuta sa ilalom, o nga anaa sa tubig sa ilalom sa yuta. Ayaw kamo pagyukbo kanila o pag-alagad kanila, kay ako, ang GINOO nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

“Tahora ang imong amahan ug ang imong inahan aron mataas ang imong mga adlaw sa yuta nga gihatag kanimo sa GINOO nga imong Dios.

“Hinumdomi ang adlaw nga igpapahulay aron sa pagbalaan niini.

“Ayaw gamita sa walay kapuslanan ang ngalan sa GINOO nga imong Dios kay ang GINOO dili mag-isip nga walay sala niadtong naggamit sa walay kapuslanan sa iyang ngalan.

Sa unom ka adlaw maghago ka ug buhata ang tanan nimong buluhaton, apan ang ikapitong adlaw maoy adlaw nga igpapahulay alang sa GINOO nga imong Dios. Niining adlawa ayaw pagbuhat ug bisan unsang buhat, ikaw o ang imong anak nga lalaki o ang imong anak nga babaye, ang imong sulugoon nga lalaki o ang imong sulugoon nga babaye o ang imong kahayopan o ang langyaw nga anaa sulod sa imong mga ganghaan.

“Ayaw kaibog sa balay sa imong isigkatawo. Ayaw kaibog sa asawa sa imong isigkatawo o sa iyang sulugoon nga lalaki o sa iyang sulugoon nga babaye o sa iyang baka o sa iyang asno o sa bisan unsang butang nga iya sa imong isigkatawo.”

“Ayaw pagsaksi ug bakak batok sa imong isigkatawo.

“Ayaw panapaw.

“Ayaw pagpatay.

“Ayaw pangawat.