Oblíbené biblické verše z DEUTERONOMIO 5

Sdílet

“ ‘Tahora ninyo ang inyong amahan ug ang inyong inahan sumala sa gisugo kaninyo sa GINOO nga inyong Dios aron motaas ang inyong mga adlaw ug aron mamaayo kini kaninyo didto sa yuta nga ihatag kaninyo sa GINOO nga inyong Dios.

Lakaw kamo diha sa tanang dalan nga gisugo kaninyo sa GINOO nga inyong Dios, aron mabuhi kamo ug mamaayo ang inyong kahimtang, ug aron mabuhi kamo ug dugay didto sa yuta nga inyong mapanag-iya.

Ayaw kamo pagyukbo kanila o pag-alagad kanila kay ako ang GINOO nga inyong Dios abubhoan nga Dios, nga nagsilot sa mga anak tungod sa pagkadaotan sa mga ginikanan ngadto sa ikatulo ug sa ikaupat nga kaliwatan sa mga nagdumot kanako. Apan nagpakita ako sa gugmang walay paglubad ngadto sa mga linibo nga nahigugma kanako ug nagtuman sa akong mga sugo.

“ ‘Ayaw kamo pagbuhat alang kaninyo ug kinulit nga larawan, o bisan unsang dagway sa bisan unsang butang nga atua sa langit sa itaas o sa yuta sa ubos o sa tubig sa ilalom sa yuta.

“ ‘Ayaw kamo pagbaton ug laing mga dios sa akong atubangan.

“ ‘Ayaw gamita sa walay pulos ang ngalan sa GINOO nga inyong Dios kay ang GINOO dili mag-isip nga walay sala kaniya nga naggamit sa iyang ngalan sa walay pulos.

Aduna pa lamang unta silay hunahuna nga sama niini kanunay, sa pagkahadlok kanako ug sa pagtuman sa tanan nakong mga sugo, aron magmaayo ang ilang kahimtang ug sa ilang mga anak hangtod sa kahangtoran!

“ ‘Tumana ninyo ang adlaw nga igpapahulay aron sa pagbalaan niini sumala sa gisugo kaninyo sa GINOO nga inyong Dios.

“ ‘Ayaw usab kamo kaibog sa asawa sa inyong isigkatawo ug ayaw tinguhaa ang pag-angkon sa balay sa inyong isigkatawo o sa iyang yuta o sa iyang sulugoong lalaki o sa iyang sulugoong babaye o sa iyang baka o sa iyang asno o sa bisan unsang butang nga iya sa inyong isigkatawo.’

“ ‘Ayaw usab kamo panapaw.

“ ‘Ayaw usab kamo pagsaksi ug bakak batok sa inyong isigkatawo.

“ ‘Ayaw kamo pagpatay.

“ ‘Ayaw usab kamo pangawat.

Hinumdomi nga kaniadto mga ulipon kamo didto sa yuta sa Ehipto ug nga ang GINOO nga inyong Dios nagkuha kaninyo gikan didto pinaagi sa gamhanang kamot ug bukton nga tinuy-od. Tungod niana ang GINOO nga inyong Dios nagsugo kaninyo sa pagtuman sa adlaw nga igpapahulay.

Unom ka adlaw kamong magbuhat ug buhata ang tanan ninyong buluhaton. Apan ang ikapito nga adlaw usa ka adlaw nga igpapahulay ngadto sa GINOO nga inyong Dios. Niini ayaw kamo pagbuhat ug bisan unsa nga buluhaton, kamo, ang inyong mga anak nga lalaki o ang inyong mga anak nga babaye o ang inyong mga sulugoon nga lalaki o ang inyong mga sulugoon nga babaye o ang inyong mga baka o ang inyong mga asno o bisan unsa sa inyong mga kahayopan o sa langyaw nga anaa sa sulod sa inyong mga ganghaan, aron makapahulay ang inyong mga sulugoon nga lalaki ug ang inyong mga sulugoon nga babaye ug kamo usab.

“ ‘Ako ang GINOO nga inyong Dios nga nagkuha kaninyo gikan sa yuta sa Ehipto, gikan sa balay sa kaulipnan.