Oblíbené biblické verše z Kini Pieke 37

Sdílet

Timba ma꞉nda꞉ta꞉ Diosepema꞉ upa pea mo ipika꞉ hameke tonu laa haleeketa꞉ kota꞉ ikana꞉ma꞉ ota꞉ mineke leke ale panka a꞉nda꞉ lia haemekeme.

Dieikopema꞉ta꞉ mo wekitonu anka꞉lopuna꞉ta꞉ Diosepe pa꞉ta꞉ homeke puki tieke wopuma꞉ homeekeme. Pa ekipe mo wekita꞉ ipiki koke nanema꞉ mendiaeyeke weki yeke handa piekeme. Ipikana꞉ma꞉ta꞉ mo wekina꞉ ta꞉ta꞉ ma꞉nda꞉ piki au leke kosa꞉ dau hokulupeke wepia haleekeme.

Kutupa mo ipika꞉ hameke tonuma꞉ ika꞉ atekema꞉ Diosepe pa꞉ta꞉ homeke puki tiekema꞉ wopu homeekeeki hando haota꞉ kota꞉ ika꞉ kame pa꞉ta꞉ta꞉ honditi pitolo hata꞉ homu piki pi manuma꞉ na la halemekeme.

Kutupa Diosepema꞉ upa ma꞉nda꞉ pea ipika꞉ hameke tonu pa꞉ta꞉ alota꞉ I̱ma꞉ upa ma꞉nda꞉ dupa pua꞉me. I̱ma꞉ta꞉ nate make kaisepo make kiki yaapona꞉ ankena꞉ homeke hombulanka꞉manu make handoa꞉me Kutupa moeki manuma꞉ta꞉ I̱ pa꞉ta꞉ panda꞉puniaememe leekeme.

Diosepena꞉ hameke tonuma꞉ta꞉ ipiki pa꞉ta꞉ wamili pimikipate atekema꞉ta꞉ mo ekina꞉ hone pa wia꞉tiki pu hayekeme.

Ipikana꞉ma꞉ alota꞉ Mo I̱ma꞉ pua꞉ upa kelepono opua꞉pe. Niki paeyaota꞉ oni e pa꞉ta꞉ hata꞉ widimanu tonkaaso haoma꞉me. Kutupa yaka widi tonkaaketa꞉ tikitikina꞉ tialiao haya꞉me. Kutupa ika꞉eki manuma꞉ta꞉ yakaeki popei yao hata꞉ yaka widi tonkaake pa꞉ta꞉ panda꞉ puniaememe laa leekeme.

Ameta꞉ a̱i̱ lu homao ipika꞉ loketa꞉ oni naku ikali hapupapeke ekimanu ma꞉nda꞉ pa꞉ta꞉ lu baamana꞉e. Ipikita꞉ tikene ma꞉na꞉yeti sayale ma꞉nda꞉ma꞉ lia pa꞉la꞉me lomana꞉e. Kutupa ipika꞉ upama꞉ walea꞉eki manuta꞉ pilia꞉eki handomana꞉ loa꞉me lemekeme.

Kutupa mo Midianina꞉ ala꞉ta꞉ ala꞉ta꞉ tapao hala꞉ haliweki epemeketa꞉ mo hama̱la̱꞉ hama̱la̱꞉ma꞉ Diosepe oni naku pa꞉ta꞉ yola꞉ mea mo Isima꞉elo tapake pa꞉ta꞉ 20 silipa manima꞉ mea tapaemeke handaa mo haliwekima꞉ta꞉ hatuku Idiepi nane pemekeme.

Ika꞉ ika꞉ kone la alu alu pitolo hata꞉ alota꞉ Hande upa pu hala꞉ some ipula꞉mee.

Mo hama̱la̱꞉ hama̱la̱꞉ma꞉ta꞉ Diosepe papate leke epeekeeki hando haota꞉ a̱i̱ na opolo epeke haena꞉ kone pi lo tonkaasota꞉ lu homaamana꞉e laa lemekeme.

Tanda ma꞉nda꞉ na haleketa꞉ pa do hapekena꞉ ula꞉ naku pa꞉ta꞉manu lopamana꞉ pipe leekeme. Lubenima꞉ koto leeke ekita꞉ mo weki pa꞉ta꞉la꞉ mea ateke hala꞉ nane paa tapaalueke hone witolo hata꞉ leekeme.