Oblíbené biblické verše z Эклц 37

Sdílet

Нег дәкҗ Йосипт зүүдн орна. Терүгән Йосип ахнртан келҗ өгнә. Теднь Йосипт улм дурго болцхана.

Израилиг көгшрх наснднь Йосип төрҗ, наадк көвүдәсн икәр эцкнь терүнд дурлв. Тегәд Йосипт тер шишлң кеерүлсн хувц белглҗ.

Эцкнь Йосипт икәр дурта болсар, ахнрнь терүнд дегд дурго болад, сән үг келдго бәәҗ.

Йосипт шинәс зүүдн орна. Терүгән тер дәкн ахнртан келҗ өгнә. – Би зүүд үзүв. Нарн, сар болн 11 одн намаг күндләд гекцхәв.

Ахнрнь Йосипт уурлцхана, болв эцкнь терүнә келснә тускар ухална.

– Соңслт, ямаран зүүдн нанд орв! Тәрәнә һазрт бидн боодгуд бооҗ йовсн болнавидн. Мини боосн боодг һоодан зогсна, тадна боосн боодгуд терүг эргәд, һазрт күрч гекцхәнә! – гиҗ тер келнә.

Энүг алад, нүкнд хаяд, зерлг аңгуд шуучад алв гиҗ эцкдән келхмн. Тегәд терүнә зүүдн яһҗ бүтхинь хәләхмн!

Мидьяна кувцнр өөрдәд ирхлә, ахнрнь Йосипиг нүкнәс һарһҗ авад, 20 цаһан мөңгнәс теднд хулдна. Кувцнр Йосипиг Египет авад орцхана.

– Зүүд үздг мана күн эн йовна! – гиҗ нег-негндән тедн келцхәнә.

Ахнрнь Йосипиг аашхинь холас таняд, өөрдәд иртлнь терүг алх болад шиидцхәнә.

Ю хәәҗ цус асххмб? Энүг эврәннь һарар алхин ормд тег дунд бәәх тер нүкнд хайтн. (Үннднь болхла, Рубен Йосипин әм аврад, эцк талнь хәрү йовулхар седв.)