Oblíbené biblické verše z ᐋᐧᐹᔅᑎᓕᒡ 11

Sdílet

ᐄᔥᐱᐦ ᒫᒃ ᒫᔅᑭᐙᑦ, ᒌ ᐹᔓᐙᐤ ᐊᓂᑖᐦ ᐋᓐᑎᔻᑭᐦᒡ᙮ ᑖᐱᔥᑯᓐ ᒫᒃ ᐋ ᓃᔑᒡ ᒥᑐᓐ ᐹᔨᒄ ᐱᐳᓐ ᒨᔥ ᒌ ᓂᔥᑑᓈᐅᒡ ᐊᓂᔮᔨᐤ ᐅᒫᒨᐊᔨᒥᐦᐋᐤ ᒑ ᒌ ᒫᒨᐊᔨᒥᐦᐋᒡ ᑭᔮᐦ ᒥᐦᒑᑐ ᐊᓂᔮᔨᐤ ᒌ ᒋᔅᑯᑎᒧᐙᐅᒡ᙮ ᐋᑯᑖᐦ ᒫᒃ ᐊᓂᑎᐦ ᐋᓐᑎᔻᑭᐦᒡ ᒫᐅᒡ ᓃᔥᑎᒻ ᒃᕆᔅᑎᔮᓂᒡ ᑳ ᐃᔑᓂᐦᑳᑖᑭᓂᐎᒡ ᐊᓂᒌ ᑳ ᑖᑆᔮᔨᒫᒡ ᒌᓴᔅᐦ᙮

ᐄᔥᐱᐦ ᒫᒃ ᑖᑯᔑᐦᒃ ᐹᕐᓂᐱᔅ ᐊᓂᑖᐦ, ᐎᔮᐱᐦᑎᒸᑦ ᒫᒃ ᒋᔖᒥᓂᑑ ᑖᓐ ᐋ ᐄᔑ ᒥᒥᔪᑭᐙᔨᒡ ᐊᓂᔮᔨᐤ ᐄᔨᔨᐤᐦ, ᒌ ᒥᔻᔨᐦᑎᒻ᙮ ᒌ ᔒᐦᒋᒫᐤ ᒫᒃ ᒑ ᒌ ᔮᐃᒋᑳᐳᐎᔨᒡ ᐅᑖᑆᔮᔨᐦᑖᒧᓂᐙᔨᒡ ᑭᔮᐦ ᓲᐦᒃ ᒨᔥ ᒑ ᐐᐦ ᓂᓂᐦᐄᐙᐦᐋᔨᒡ ᑎᐹᔨᐦᒋᒑᓯᐤ᙮ ᐙᔥ ᐆ ᓈᐹᐤ ᐹᕐᓂᐱᔅ ᓈᔥᒡ ᒌ ᑯᐃᔅᑯᑖᑎᓯᐤ, ᑭᔮᐦ ᒌ ᓵᑭᔅᒋᓈᔥᑳᑰ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ, ᑭᔮᐦ ᒌ ᓲᐦᒑᔨᐦᑖᑯᓂᔨᐤ ᐅᑖᑆᔮᔨᐦᑎᒧᐎᓐ᙮ ᐋᒄ ᒫᒃ ᐊᑎᑎᐤ ᒥᐦᒑᑐ ᐄᔨᔨᐅᒡ ᑳ ᑖᑆᔮᔨᒫᒡ ᑎᐹᔨᐦᒋᒑᓯᐤ ᒌᓴᔅᐦ᙮

ᒑᔥᑎᓈᔥ ᒫᒃ ᒋᔖᒥᓂᑑ ᒌ ᒥᔮᐤ ᐊᓂᔮᔨᐤ ᐄᔨᔨᐤᐦ ᐋᑳ ᑳ ᒎᐤ ᐄᑎᔅᑳᓈᓰᔨᒡ ᐊᓂᔮᔨᐤ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ ᒧᔮᒻ ᒌᔮᓂᐤ ᑳ ᐄᔑ ᒥᔨᑯᐎᔨᐦᒄ ᐄᔥᐱᐦ ᑳ ᑖᑆᔮᔨᒥᐦᒄ ᑎᐹᔨᐦᒋᒑᓯᐤ ᒌᓴᔅ ᙭᙮ ᐊᐙᓐ ᒫᒃ ᓃᔨ ᒑ ᒌ ᒋᐱᐦᒋᐦᐄᒃ ᒋᔖᒥᓂᑑ ᑖᓐ ᐙᐦ ᐃᐦᑎᒃ,” ᒌᐦ ᐄᑖᐤ ᐲᑎᕐ ᐊᓂᔮᔨᐤ ᐄᔨᔨᐤᐦ᙮ ᐅᔮᔨᐤ ᒫᒃ ᐋ ᐹᐦᑎᐙᒡ ᐋ ᐄᔑ ᐐᐦᑎᒥᔨᒡ ᓂᒧᐃ ᐅᐦᒌ ᓂᔥᑰᔥᑐᐙᐅᒡ ᔖᔥ᙮ ᒌ ᒋᔅᑖᒋᒫᐅᒡ ᒋᔖᒥᓂᑑ ᐋᐦ ᐄᑖᒡ, “ᒋᔖᒥᓂᑑ ᒌ ᓂᐦᐄᐱᔨᐦᑖᐤ ᐊᓂᔮᔨᐤ ᐄᔨᔨᐤᐦ ᐋᑳ ᑳ ᒎᐤ ᐄᑎᔅᑳᓈᓰᔨᒡ ᒑ ᒌ ᒀᔅᑳᑎᓰᔨᒡ ᑭᔮᐦ ᒑ ᒌ ᐱᒫᒋᐦᐅᔨᒡ᙮”