Oblíbené biblické verše z Lugu 4

Sdílet

Anduane Homogonaga Dinini ibu i̱ha kagoni. Irane i̱na wali agali yagibano karuhondo bi mana debene lamuliya ibugua i̱ dabene. Wali agali dariba ho ngaruhondo golope holene nga lalu lamulenebi deme nahandabehe karu lone de hendelo mo bayale holenebi garabaya biabe ale bia haga karu golope holenebi Anduane Homogohanda ibunaga wali agalihondo pele mulene tu áyu nga lalu lamulenebi ogoni bibahende ibugua, Í̱na ani bule pu, lalu lenego gilibu nga, lene.

Ani layagola Yasuhanda ladai bialu lalu, Anduane Homogonaga mbugani lo ngago ogo, Anduane Homogo tínaga Ngode Datagaliwabe ibu andaneha haabo halu ibuni hangu mitangi bialu ibunaga minini howa lotu lalu halimu, lalu gilibu nga, lene.

Ani layagola Yasuhanda ladai bialu lalu, Anduane Homogonaga mbugani lo ngago ogo, Wali agalinaga holene tomo noleneme hangu miaga ndo, lalu gilibu nga, lene.

Yasu ibu iba Yodanaha howa dai biyagola Ngode Datagaliwabe Dinini Yasuha ho to̱laihe howa ibugua dindi ko wali agali nahaga wiagoria Yasu haru pu hene.

Ani layagola Yasuhanda ladai bialu lalu, Anduane Homogonaga mbugani ogodagua lo nga, Anduane Homogo tínaga Ngode Datagaliwabe ibunaga hongo abidabe hondole bahanda nabilimu, lalu gilibu nga, lene.

Dama Heyolabeme Yasu ko tara tara mo bia habehedabe ba handayagola nabialu binini awe dai bule mitangi bialu ibu Yasu helalu pene.

Ani layagola dama Heyolabeme Yasu haru iraga halu wali agali dindi bibahendeni karu abaleore de pandi mugu laradagua ibuhondo walia hene. Ani walia halu lalu, Bibahende ogoni i̱hondo ngiai henego i̱na mua biragohondo mibehe ko. Í̱na bulu paluwa i̱hondo bi pupu wiriyagua bibahendeore ogoni í̱na karulowa haru hai habelobi ti bibahende karume í̱naga mini yaraga hai helobi ngiai holebero, lene. Ani layagola Yasuhanda ladai bialu lalu, Anduane Homogonaga mbugani lo ngago ogo, Anduane Homogo tínaga Ngode Datagaliwabe ibu andaneha haabo halu ibuni hangu mitangi bialu ibunaga minini howa lotu lalu halimu, lalu gilibu nga, lene.

Ani layagola dama Heyolabeme Yasu Yarusaleme haru pialu Anduane Homogonaga anda daligaoreni helowa ibuhondo lalu, Í̱ Ngode Datagaliwabe Igini keyagua ogoriani howa í̱nime porabupe harene. Ogoninaga Anduane Homogonaga mbugani bi mbira lo ngago ogo, Ngode Datagaliwabehanda ibunaga dahuliyaliru lamialu hondo hole pudaba lolebira, lalu bi mendebi ogodagua dege lo nga, Ege to̱le̱ ngagome í̱naga ge nabehedagola dahuliyali uruni tinaga gime í̱ taba yaraga holebira, lalu gilibu nga, lene. Ani layagola Yasuhanda ladai bialu lalu, Anduane Homogonaga mbugani ogodagua lo nga, Anduane Homogo tínaga Ngode Datagaliwabe ibunaga hongo abidabe hondole bahanda nabilimu, lalu gilibu nga, lene.