Oblíbené biblické verše z Mak 13

Sdílet

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Hɛ́ɛ nyiŋi kɛrɛdɛ, hɛ́ɛ do dɛɛɡɔ, dɛkalkɛŋɔ haa tɔpere la jemɛ.

Dɛ ba baa lawɛ heya, dɛ la he ne nomonome sie naa, he bɛ ɡel waa haa dɛ ba bola la hiah heya. A baa tel kɛŋɔ hé bol wa aa, hé bol wobɛlbwa aa le he nyoa la, dɛkalkɛŋɔ waa haa dɛ ba bola la aa he bee le. Korowii Domadɛɛɡe la bee aa ba lee.

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Nomɛlbwa aa Korowii Tɔpere la ne saŋ ɡɛ waa la aa dɛ ba chiɡa jemɛ. Nyundua toroma la ne Men Nɛn Bie la ɡba aa jemɛ. N Mɛɛ la ɡboo jema.

Dɛ he baa no laa yoi waa ne laa ɡbɔɡa bobɛlbwa ɡe aa, he bɛ ɡel a ɛ heyaa wepiɡra, dɛkalkɛŋɔ a chɛ kɛŋɔ á ɛ ɡɛ. A ɡɛ waa nɔ bwa chɛ kɛŋɔ á chiɡ, dɛ wobɛlbwa jaɡa la ta tele mɔɔ.

Hɛ́ɛ nyiŋi kɛrɛdɛ, dɛkalkɛŋɔ he ta wone jemɛ tɔɔ la wee dem te la aa dɛ ba bala. Bɛl lole jwaanaa wɛɛ ba bala. Gɛ laa ɡe aa, harambaŋa ne. Bɛl lole o ta jabala siiɡa saŋ balaa, chɔɔbɔree wɛɛ ba bala. He bɛ ɡel o ba piɡri heya, dɛ he dɛ chɔ doromi. Waa nɔ maa dɛ bol he be nɔ, nɛra bwa bee mɛɛ ŋɔ la. Hɛ́ɛ nyiŋu ŋwɛnɛ kɛrɛdɛ!”

Harɛre ane ɛɛ yo dɔŋaa, koranar ɡe yo dɔŋa. Lɔr ɛɛ ba harɛ nɔ ta bobɛlbwaa, ásɛ harɛ ɡe ɛɛ jiɡri bobɛlbwa. Kɛ anɔ bwa do kɛŋɔ haah loltea yon tɔ sie lɔɔ dɛ o lola ta tele mɔɔ la.

Baa bol Amanesoma laanee baɡle nɛwɛnyina bwa mɔɔ wobɛlbwa jaɡa la ba.

Nɛra ɛɛ warɔɔ dɛ́ kpɔ n sɔn ba dɛ́ ba ŋɔ banee men. Ba bɛlbwa ɛɛ ŋɔɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛra la, dɛ́ neɡre nɛra pirim.

Hé ɡbaɡba ɡe nyiŋi kɛrɛdɛ. Baa larawe heyaa dɛ la he ne nomonome sie, dɛ́ lɔɔ heyaa cheremi deene bini. Men nomanta hɛɛ che Abane nomonome ne koranar siinii dɛ́ bol Korowii Amanesoma la baɡ ba.

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe ŋɔ Korowii keameree ban. Baa ɛ bebeewaa ne nyokpowaa dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

A ɡɛ wekpeɡa nɔ baa ɛ dɛ kaa laa, wee aa bɔr chaahna ba kpa, korobie ɡe aa bɔr chaahna ba kpa. Weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.