Oblíbené biblické verše z Luk 6

Sdílet

Hɛ́ɛ tɛ dɔŋa kwa, ásɛ Korowii ɡee tɛ heya a do kan kohona. Korowii dɛ ba he tɛɛ yaa, wɛɛ maɡaa, dɛ́ jwiira, dɛ́ ɛɡra a jo kɛrɛdɛ, dɛ́ su porrr ken dɛɛ ta. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.”

Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa damanta aa lɔ o bambile bini, dɛkalkɛ waa aa lɔ nɛn bambile ta laanee o nyoa ɛɛ bol.

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Hɛ́ɛ sune nɛra nɛ, ɡɛ he Mɛɛ la aa dɛ sune nɛra nɛɛ la.

He bɛ dɔŋa dɛɛ pwah, ásɛ Korowii ɡe bɛ heyaa pwah. He bɛ dɔŋa bolchɔɡe dɛɛ pa, ásɛ Korowii ɡe bɛ heyaa bolchɔɡe pa. Hé kpɔ he dɔŋa wechɔɡa dɛɛ kɛ ba, ásɛ Korowii ɡe kpɔ he wechɔɡa dɛɛ kɛ heya.

Yeesu berɔ ŋɔ, “He banɔ la haa dɛ no n waa nɔ, n dɛ ŋɔ he be ŋɔ hɛ́ɛ nyin he dɔma wa, dɛɛ ɛɛ ba wedɛɛɡa. Hé swee andɛɛɡa dɛɛ tɛ banɔ la baa dɛ taah heya, dɛ́ soŋe Korowii dɛɛ tɛ banɔ la baa dɛ ɛ heyaa wechɔɡa la ɡe.

Gɛ haa dɛ nyin kɛ nɛra ɛ dɛɛ tɛ heyaa la, hé ɡe ɛ ɡɛ tenten dɛɛ tɛɛ ba.

Dɛ nomɛl kpaa he lwɛɛma aa, berɛ baŋ bɛl ɡe tɛo ó kpaa ja. Dɛ nomɛl lɛ he yal he be naa, kpɔ he batakaare ɡe jao. Dɛ nomɛl soŋe komɛl aa, tɛo. Dɛ nomɛl kpɔ he komɛl aa, bɛ o be lɛ kpa.

Yeesu berɔ ŋɔ, “Dadɛɛɡe aa won nɔnɛ nɔnchɔɡa, ɡɛɛ dachɔɡe ɡe aa wola won nɔnɛ nɔndɛɛɡa.

Daa bɛlbwa nɔna waa nɔna la taa ba che dɛɛ jemɔ. Sɔɔh da aa ɡbal nɔna nɔnɛ, ɡɛɛ kontromoo ɡe aa wola lomporo nɔnɛ.