Oblíbené biblické verše z Jɔn 16

Sdílet

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Kɛ dɛ Korowii Domadɛɛɡe waa dɛ chaɡle Korowii kasinteŋ waa la balaa, wɛɛ pili wobɛlbwa binii tɛ heyaa hé no a mun. O ɡbabir nyu bini waa laa wɛɛ ba bola baɡle heya. Anɔ la waa noa le Korowii be laanee wɛɛ ba bola, dɛ́ chaɡle heyaa waa a taa lɔ sie dɛɛ ba bala.

He ta n sɔn kpɔe dɛ soŋe komɛlbwa bwa. Kɛ taraken te, hé kpɔ n sɔn soŋe, hɛɛ dɔɔ ásɛ he sie lɛ kohona.

Kasinteŋii mɛɛ bol he be la, a wer tɛ heyaa kɛ ń kaa. Dɛ n ta kaalaa, Habɔchekpaa la aa he bee ba. Kɛ dɛ n baa kaalaa, mɛɛ tomɔɔ ó ba he be. Dɛ o balaa, wɛɛ di nɛra kasinteŋii dɛ́ ɡel ba jemɛ waa aa ɛ wechɔɡa, ne waa aa dɛ su Korowii siwi, ne ɡɛ Korowii bole pae waa aa doa.

Gɛɛ a do he ɡe be. Taraken te, he tea bini chɔɡɔ, kɛ maa berɛ ba na heyaa la taa he sie ɛɛ ba lɛɛ kohona. Gɛ silɛɛ la, nomɛlbwa aa won lɛ he be. Tɔpere la telaa, haa men wobɛlbwaa bɔɔ kpa. Kasinteŋ, n dɛ ŋɔ he be, dɛ he soŋe komɛlbwa n Mɛɛ be naa, wɛɛ koh n waa dɛ́ tɛ heya.

Kasinteŋ, n dɛ ŋɔ he be, he loo ɛɛ kuu he wi, ásɛ nɛra baa dɔ harɛ nɔ ta ɡbo liire sie lɛ. He tea bini ɛɛ chɔɡoo, kɛ he tebinichɔɡ la ɛɛ berɛ heyaa silɛɛ.