Oblíbené biblické verše z Injil 6: Ruman 6

Sdílet

Ashole gunar mozuri oilo mout, oile Allar rohomotor dan oilogi amrar Malik Isa al-Mosir usillae aḳeri zindegi.

Tumra to gunar gulam nae, shoriotor aotae-o nae, ḳali Allar rohomotor tole aso.

Ou gusolor ḳalo amrare to al-Mosir loge ḳoybor deoa oise. Ar gaibi baf Allae tan moha kudrote al-Mosire zela ḳoybor taki zinda ḳori tulchoin, ṭik oula amra-o zanu noya zindegie din ḳaṭai.

Shorilor kunu ongore bod ḳamor atiar banaio na. Borong nizore murda taki zinda oa zon mono ḳoria furafuri Allar ato shofi deo, shorilor hoḳol ongore nek kamor atiar hishabe Allar name bilai deo.

Amra ikan zani, amrar shorilor bod ḳaishre beḳama ḳorar niote amrar furan ‘ami’re al-Mosir loge solibor ufre maria falail oise, zate amra ar gunar gulam na roi.

Ṭik oula, tumra-o mono ḳorio, gunar ḳemotar befare tumrar moron oigese, oḳon ḳali Isa al-Mosir name Allar mohimar lagi zinda aso.

Te oḳon amra ola ḳoitam ni, amrar ufre zate Allar rohomot aro baṛe, erlagi amra aro guna ḳorat roi? Nauzubilla, muṭe-u na! Gunar babote amra to morigesi, te i murda halote oḳon ar ḳemne gunar ḳamo roitam?

Tumra buzo na ni, tumra zebla nizore ḳeuror ato shofi dia tar hukum mafik solo, te emne-u to tar gulam bonizao. Olaḳan tumra hoyto gunar gulam bonia morbae, arnae Allar gulam bonia nek kam ḳorbae.

Alla Pakor shukur, age zudio tumra gunar gulam aslae, ta-o Isayi torikar talim faia hari, dile-zane itar ashik oiso. Gunar gulami taki saṛa faia, nek kamor gulam oiso.