Oblíbené biblické verše z Injil 6: Ruman 4

Sdílet

Allar oadar befare tan mono kunu shondoy aise na, borong tain imane aro mozbut oia Allar tarif ḳorla. Ibrahime furafur ekin ḳorla, Allae ze oada ḳorsoin, ita fura ḳorar ḳemota-o tan ase.

Allar kalamo zela leḳa ase, “Ami tumare bout zatir mul baf banailam.” Ou hishabe Allar nozoro Ibrahim oila amra hoḳlor mul baf. Zein morare zindegi dein ar zeta oar nae, ota oaita faroin, hou Allar ufre tain iman ansla.

Amrar gunar kofora hishabe ou Isare moutor ato tuli deoa oisil, ar amrare be-ḳosur ḳalas ḳoia goinno ḳorar lagi tanre murda taki zinda ḳora oisil.

Ou Ibrahime zebla aolad faoar kunu asha ḳorar ḳota nae, hou shomoy-o tain Allar ufre borosha ḳoria imane mozbut roisoin. Allae tanre ḳoisla, “Tumar ḳandanre ami asmanor terar laḳan behishab ḳormu.” Ar ou ḳotar ufre tain iman anla.

Erlagi i oada ḳali manshor imanor mazdi fura ḳora oy, zate iṭa Allar rohomotor dan hishabe roy. Te Ibrahimor ḳandanor gese ze oada ḳora oise, ikan nichchoy fura ḳora oibo. Ḳali shoriot manra oḳlor lagi-u furon ḳora oito nae, zera Ibrahimor imanor loge shorik, tarar lagi-o i oada fura ḳora oy.

Nek-kofali tara-u, zerar naformanire maf ḳora oise, Mabud Moulae zerar gunare ar hishabo dorta nae. Nek-kofali hou zon, zar gunare Allae tar amol-nama taki kaṭi disoin.

Ḳaron Allar kalamo ase, “Ibrahime Allar ufre iman anae, Allae tanre be-ḳosur ḳalas ḳoia goinno ḳorla.”