Oblíbené biblické verše z Injil 7: 1-Korintia 15

Sdílet

Te, O amar mayar baiain, tumra imane mozbut o, zate kuntae tumrare alaito na fare. Malikor kezmotor lagi nizore hor-hamesha furafur bilai deo, tumra to zano, tan lagi menot ḳorle i menot kunumonte-u beḳama zae na.

Oile Alla Pakor shukria adae ḳori, amrar Malik Isa al-Mosir usillae tain amrare joy dan ḳoroin.

Baiainre, tumra bul ḳorio na, ola eḳ silleḳ ase, “Ku-shongie bala manshore-o naṭailae.”

Oile oḳon ami zela oisi, ita Allar rohomote-u oisi. Amar ufre tan i rohomot beḳama gese na, ami oinno sahabi oḳol taki beshi menot ḳorsi. I menot to ami nize nize ḳortam farsi na, borong Allar rohomote-u ita ḳoraise.

O mout, tor joy kuai? Moutre, tor bish-dat kuai? Moutor bish-dat oilo guna, ar gunare ḳemota zugae Musa nobir shoriot.

Te ami tumrare eḳṭa batuni kota zanairam, zano ni, amra hoḳlor to mout oito nae, oile hoḳlor-u surot bodlizibo. Kiamotor ḳalo eḳ muhurtor maze, sokur foloḳe, shingat fu deoar loge loge-u amra bodlizimu. Ou shinga bazia harle, hoḳol murda ola surote zinda oiba, zeta kunudin binash oito nae, ar amra-o hou surote bodlizimu.

Buzrae ni, eḳzon manshor mazdi zela mout aise, ola zinda oia uṭa-o eḳzon manshor mazdi aise. Baba Adomor aolad hishabe hoḳol manshor zela moron oy, al-Mosir ummot hishabe oula hoḳolre zinda ḳora oibo.

Erlagi ze shoril binash oizae, itae ola surot faite oibo, zeta kunudin fosito nae, ar zeta morizibo, itae ola surot faite oibo, zeta kunudin morto nae.

Ḳaron, Allae zoto shomoy forzonto al-Mosir hoḳol dushmonre tan faor tolat na falain, oto shomoy forzonto tain bashshai korte oibo. Ar shesh dushmon moutre-o tain binash ḳorba.