Oblíbené biblické verše z ꠁꠘ꠆ꠎꠤꠟ ১: ꠝꠕꠤ 1

Sdílet

ꠔꠥꠝꠤ ꠁ ꠙꠥꠀꠞ ꠘꠣꠝ ꠞꠣꠈꠤꠅ ꠁꠍꠣ। ꠇꠣꠞꠘ ꠁ ꠘꠣꠝꠞ ꠝꠣꠘꠤ ꠔꠞꠣꠘꠦꠀꠟꠣ, ꠄꠁꠘ ꠘꠤꠎꠞ ꠃꠝ꠆ꠝꠔ ꠅꠇꠟꠞꠦ ꠉꠥꠘꠣ ꠕꠣꠇꠤ ꠔꠞꠣꠁꠛꠣ।”

ꠝꠣꠛꠥꠖꠦ ꠛꠣꠔꠣꠁꠍꠟꠣ, “ꠢꠥꠘꠅ, ꠄꠇꠎꠘ ꠀꠛꠤꠀꠔꠤ ꠡꠔꠤ ꠘꠣꠞꠤꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠁꠛ, ꠔꠣꠁꠘ ꠄꠇ ꠙꠥꠀꠞ ꠎꠘꠝ ꠖꠤꠛꠣ, ꠁ ꠙꠥꠀꠞꠦ ꠒꠣꠇꠣ ꠅꠁꠛ ꠁꠝ꠆ꠝꠣꠘꠥꠄꠟ।” ꠁ ꠘꠣꠝꠞ ꠝꠣꠘꠤ ꠅꠁꠟ, ꠀꠟ꠆ꠟꠣ ꠀꠝꠞꠣꠞ ꠟꠉꠦ ꠀꠍꠂꠘ।

ꠔꠣꠁꠘ ꠎꠦꠛꠟꠣ ꠅꠟꠣꠈꠣꠘ ꠌꠤꠘ꠆ꠔꠣ ꠇꠞꠞꠣ, ꠅꠃ ꠡꠝꠄ ꠝꠣꠛꠥꠖꠞ ꠄꠇ ꠚꠤꠞꠤꠡ꠆ꠔꠣꠄ ꠈꠥꠀꠛꠞ ꠝꠣꠎꠦ ꠔꠣꠘꠞꠦ ꠖꠞꠡꠘ ꠖꠤꠀ ꠇꠁꠟꠣ, “ꠅ ꠁꠃꠍꠥꠚ ꠛꠤꠘ ꠖꠣꠃꠖ, ꠔꠥꠝꠤ ꠝꠞꠤꠅꠝꠞꠦ ꠡꠣꠖꠤ ꠇꠞꠔꠦ ꠒꠞꠣꠁꠅ ꠘꠣ। ꠔꠣꠘ ꠙꠦꠐꠅ ꠎꠦ ꠢꠥꠞꠥꠔ꠆ꠔꠣ ꠀꠁꠍꠦ, ꠁꠔꠣ ꠔ ꠙꠣꠇ ꠞꠥꠢꠥꠞ ꠇꠥꠖꠞꠔꠤ ꠛꠟꠦꠃ ꠅꠁꠍꠦ। ꠔꠣꠘ ꠊꠞꠅ ꠄꠇ ꠙꠥꠀꠄ ꠎꠘꠝ ꠟꠁꠛꠣ।

ꠁꠍꠣ ꠀꠟ-ꠝꠍꠤꠞ ꠎꠘꠝ ꠅꠁꠍꠤꠟ ꠅꠃ ꠟꠣꠈꠣꠘ। ꠁꠃꠍꠥꠚ ꠘꠣꠝꠞ ꠄꠇꠎꠘꠞ ꠟꠉꠦ ꠛꠤꠛꠤ ꠝꠞꠤꠅꠝꠞ ꠡꠣꠖꠤ ꠑꠤꠇ ꠅꠁꠍꠤꠟ, ꠅꠁꠟꠦ ꠔꠣꠞꠣ ꠄꠇꠟꠉꠦ ꠝꠤꠟꠣ-ꠝꠤꠡꠣ ꠇꠞꠣꠞ ꠀꠉꠦꠃ ꠀꠟ꠆ꠟꠣꠞ ꠙꠣꠇ ꠞꠥꠢꠥꠞ ꠇꠥꠖꠞꠔꠤ ꠛꠟꠦ ꠝꠞꠤꠅꠝꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠁꠟ। ꠁꠃꠍꠥꠚ ꠀꠍꠟꠣ ꠢꠇ ꠝꠣꠘꠥꠡ, ꠝꠞꠤꠅꠝꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠍꠦ, ꠁ ꠈꠛꠞ ꠢꠥꠘꠤꠀ ꠔꠣꠁꠘ ꠝꠞꠤꠅꠝꠞꠦ ꠝꠣꠘꠡꠞ ꠍꠣꠝꠘꠦ ꠡꠞꠝ ꠖꠤꠔꠣ ꠌꠣꠁꠟꠣ ꠘꠣ, ꠄꠞꠖꠣꠄ ꠝꠘꠦ ꠝꠘꠦ ꠑꠤꠇ ꠇꠞꠟꠣ, ꠟꠥꠇꠣꠁꠀ ꠁ ꠛꠤꠀ ꠜꠣꠋꠉꠤꠟꠤꠔꠣ।